بھارتی بورڈ نے کے کے آر کو بنگلادیش کے مستفیض الرحمان کو آئی پی ایل سے ریلیز کرنے کا کہہ دیا
https://jang.com.pk/assets/uploads/updates/2026-01-03/1543485_6471020_10_updates.jpg—فائل فوٹوبھارتی کرکٹ بورڈ نے دباؤ میں آ کر تنگ نظری کا مظاہرہ کر دیا، بورڈ نے بالی ووڈ اداکار شاہ رخ خان کی ملکیتی ٹیم کولکتہ نائٹ رائیڈرز کو بنگلادیش کے کرکٹر مستفیض الرحمان کو ریلیز کرنے کا کہہ دیا۔
مستفیض الرحمان کو بھارتی کرکٹ بورڈ کے سیکریٹری دیوا جیت سائیکیا نے آئی پی ایل 2026 سے ریلیز کرنے کا کہا ہے۔
اس حوالے سے دیوا جیت سائیکیا نے کہا کہ ہر طرف ہونے والی حالیہ پیش رفت کے بعد بی سی سی آئی نے فرنچائز کے کے آر کو ہدایات جاری کی ہیں، فرنچائز کو ان کے ایک کھلاڑی مستفیض الرحمان کو ریلیز کرنے کا کہا ہے۔ https://jang.com.pk/assets/uploads/akhbar/2026-01-03/1543372_043749_updates.jpg
بی جے پی رہنما نے شاہ رخ خان کو غدار قرار دے دیا، سیاسی طوفان کھڑا ہوگیا
کراچی بھارتیہ جنتا پارٹی کے رہنما سنگیت سوم نے... https://jang.com.pk/assets/front/images/jang-icons/16x16.png
کولکتہ نائٹ رائیڈرز کی جانب سے بنگلادیش کے کرکٹر کو شامل کرنے پر شاہ رخ سخت تنقید کی زد میں تھے۔ روحانی مذہبی رہنما نے شاہ رخ کو غدار تک قرار دے دیا تھا۔
مہاراشٹرا میں تنازع کھڑا ہو گیا تھا اور سیاستدانوں نے بھی شاہ رخ خان کو تنقید کا نشانہ بنانا شروع کر دیا تھا۔
واضح رہے کہ دسمبر میں ہونے والی آکشن میں کے کے آر نے مستفیض الرحمان کو 9.2 کروڑ بھارتی روپے میں لیا۔ مستفیض الرحمان کو ٹیم میں شامل کرنے پر اداکار شاہ رخ خان کو ملک دشمن پالیسی کا مرتکب قرار دیا گیا تھا۔
Pages:
[1]