ٹرمپ انتظامیہ نے قومی سلامتی کے خدشات پر چین کیساتھ چِپ ڈیل معطل کردی
https://jang.com.pk/assets/uploads/updates/2026-01-03/1543482_2452695_News8_updates.jpg---فائل فوٹو
امریکی صدر ڈونلڈ ٹرمپ نے قومی سلامتی اور چین سے ممکنہ تعلقات کے خدشات کے باعث امریکی فوٹونکس کمپنی ہیفو （HeiFo） کو نیو جرسی میں قائم ایرو اسپیس اور دفاعی ادارے ایمکور （Emcore） کے اثاثے خریدنے سے روک دیا ہے۔
وائٹ ہاؤس کی جانب سے جاری کیے گئے صدارتی حکم نامے کے مطابق ہیفو کی ملکیت میں چین کے عوامی جمہوریہ کا ایک شہری بھی شامل ہے جو امریکی قومی سلامتی کے لیے خطرہ بن سکتا ہے۔
وائٹ ہاؤس کے مطابق اس بنیاد پر صدر ٹرمپ نے ہیفو کو ایمکور کے تمام اثاثوں اور حقوق سے 180 دن کے اندر دستبردار ہونے کا حکم دیا ہے۔ https://jang.com.pk/assets/uploads/updates/2025-12-09/1535917_125936_updates.jpg
امریکا کی جانب سے چین کو H200 چِپس برآمد کرنے کی اجازت
امریکا نے Nvidia کے جدید H200 آرٹیفیشل انٹیلیجنس （اے آئی） پروسیسرز چین کو برآمد کرنے کی مشروط اجازت دے دی ہے۔ https://jang.com.pk/assets/front/images/jang-icons/16x16.png
واضح رہے کہ 2024ء میں ہیفو نے ایمکور کے انڈیم فاسفائیڈ ویفر فیبریکیشن آپریشنز اور چِپس بزنس تقریباً 2.92 ملین ڈالر میں خریدا تھا۔
اس سودے کا جائزہ امریکی کمیٹی برائے غیر ملکی سرمایہ کاری （CFIUS） نے لیا تھا۔
اب سی ایف آئی یو ایس نے ہی قومی سلامتی کے خطرات کی نشاندہی کی ہے تاہم خطرات کی تفصیل ظاہر نہیں کی گئی۔
یاد رہے کہ ہیفو کمپنی کی جانب سے تاحال صدر ٹرمپ کے اس حکم پر کوئی ردعمل سامنے نہیں آیا۔
Pages:
[1]