برطانیہ میں مکانات کی اوسط قیمت چھ ماہ کی کم ترین سطح پر آگئی
https://jang.com.pk/assets/uploads/updates/2026-01-08/1544981_3972019_GAZA-NEW-2_updates.jpgبرطانیہ میں مارگیج فراہم کرنے والے لائیڈز بینکنگ گروپ کے حصہ ہیلی فیکس بینک کے انڈیکس کے مطابق دسمبر میں ملک بھر میں مکانات کی اوسط قیمت چھ ماہ کی کم ترین سطح پر آگئی۔
دسمبر میں مکانات کی قیمتوں میں 0.6 فیصد یا 1,789 پاؤنڈ کی کمی واقع ہوئی، اس طرح سالانہ بنیادوں پر اوسط اضافہ کی شرح 0.3 رہی جو کہ نومبر میں 0.6 فیصد تھی، جبکہ ملک بھر کی نسبت لندن میں مکانات کی قیمتوں میں سب سے بڑی کمی واقع ہوئی جو 1.3 فیصد رہی۔
ہیلی فیکس کی ہیڈ آف مارگیج امینڈا بائیڈن کے مطابق قیمتوں میں کمی سے ایک اوسط گھر کی قیمت 297,755 پاؤنڈ جبکہ لندن میں 539,086 پاؤنڈ ہے.
ان کا کہنا تھا کہ سال کے اختتام پر غیر یقینی صورت حال کے بعد اب مارکیٹ بہتر ہوگی کیونکہ بینک آف انگلینڈ کی طرف سے شرح سود میں کمی کے بعد مارگیج لینے کے کئی آپشن دستیاب ہیں اور رواں برس مکانات کی قیمتوں میں ایک سے تین فیصد تک اضافہ متوقع ہے۔
آن لائن رئیل اسٹیٹ پراپرٹی پورٹل، رائٹ موو کے مطابق باکسنگ ڈے پراپرٹی تلاش کرنے کے حوالے سے سال کا مصروف ترین دن تھا، پہلی بار مکان خریدنے والوں نے دو بیڈ رومز یا اس سے بھی چھوٹی پراپرٹی کی خریداری میں دلچسپی لی۔
Pages:
[1]