بل گیٹس نے طلاق کے بعد میلِنڈا کی فلاحی تنظیم کو خاموشی سے اربوں ڈالر منتقل کردیے
https://jang.com.pk/assets/uploads/updates/2026-01-09/1545285_8508914_bilgates_updates.jpgفائل فوٹومائیکروسافٹ کے بانی بل گیٹس نے اپنی سابق اہلیہ میلِنڈا فرنچ گیٹس کی نجی فلاحی تنظیم کو خاموشی سے اربوں ڈالر منتقل کر دیے۔
مائیکروسافٹ کے بانی اور دنیا کے امیر ترین افراد میں شامل بل گیٹس نے اپنی سابق اہلیہ میلِنڈا فرنچ گیٹس کی نجی فلاحی تنظیم کو خاموشی سے 7.88 ارب ڈالر منتقل کیے، جو طلاق کے سلسلے میں سامنے آنے والی اب تک کی سب سے بڑی مالی ادائیگیوں میں سے ایک سمجھی جا رہی ہے۔
اس ادائیگی کا انکشاف حالیہ ٹیکس فائلنگ میں ہوا، یہ پہلی بار ہے کہ 2021 کی طلاق کے مالی معاملات منظرِ عام پر آئے ہیں۔
میلِنڈا فرنچ گیٹس نے اس سے قبل بل اینڈ میلِنڈا گیٹس فاؤنڈیشن کی شریک چیئرپرسن کے عہدے سے استعفیٰ دیتے وقت کہا تھا کہ طلاق کے معاہدے کے تحت انہیں خواتین اور خاندانوں سے متعلق آزاد فلاحی کام کے لیے اربوں ڈالر فراہم کیے جائیں گے۔ https://jang.com.pk/assets/uploads/updates/2025-08-27/1504592_090633_updates.jpg
طلاق کے معاملے پر سابق شوہر کا نمبر شیئر کرنے پر ہالی ووڈ اداکارہ گرفتار
کیلی وولف نے کہا کہ وہ نہ خودکشی کی کوشش کرے گی، نہ کسی کے لیے خطرہ ہے، اور نہ ہی میں نے کوئی جرم کیا ہے۔ https://jang.com.pk/assets/front/images/jang-icons/16x16.png
رپورٹس کے مطابق مجموعی اثاثوں کی تقسیم کے بعد میلِنڈا گیٹس کے اثاثے تقریباً 25 ارب ڈالر تک پہنچ چکے ہیں۔
طلاق کے فوراً بعد بل گیٹس نے اپنی نجی سرمایہ کاری کمپنی Cascade Investment کے ذریعے اربوں ڈالر مالیت کے شیئرز میلِنڈا گیٹس کو منتقل کیے۔ اس کے علاوہ دونوں کے درمیان 170 ملین ڈالر سے زائد مالیت کی جائیداد، تقریباً 130 ملین ڈالر کے فن پارے اور مائیکروسافٹ کے اہم حصص کی تقسیم پر بھی اتفاق ہوا۔
مئی 2021 میں دونوں نے طلاق کا اعلان کرتے ہوئے کہا تھا کہ وہ اب ایک ساتھ آگے بڑھنے کے قابل نہیں رہے۔ یہ علیحدگی اگست 2021 میں باضابطہ طور پر مکمل ہوئی۔
Pages:
[1]