میں ایک روپیہ خرچ کیے بغیر پانچویں بار ایوان میں پہنچا جو دنیا میں ایک مثال ہے، خالد مقبول صدیقی
https://jang.com.pk/assets/uploads/updates/2026-01-10/1545491_9363856_Khalid-Maqbool1_updates.jpgلڑکیاں تعلیم میں بہت آگے ہیں لیکن 80 فیصد کو گھر بٹھا دیا جاتا ہے، خالد مقبول صدیقی - فوٹو: اسکرین گریبوفاقی وزیر تعلیم اور متحدہ قومی موومنٹ （ایم کیو ایم） پاکستان کے سربراہ ڈاکٹر خالد مقبول صدیقی نے کہا ہے کہ میں ایک روپیہ خرچ کیے بغیر پانچویں بار ایوان میں پہنچا ہوں جو دنیا میں ایک مثال ہے۔
ان خیالات کا اظہار انہوں نے کراچی میں لیاقت کالج آف میڈیسن اینڈ ڈینٹسٹری میں بین الاقوامی طبی تعلیمی کانفرنس 2026 کی افتتاحی تقریب میں بطور مہمان خصوصی شرکت کرنے کے بعد اپنے خطاب میں کیا۔
ڈاکٹر خالد مقبول صدیقی کا کہنا تھا کہ پاکستان میں ایک حکمران طبقہ ہے جس سے الحمداللّٰہ میرا کوئی تعلق نہیں، میں ایک روپیہ خرچ کیے بغیر پانچویں بار ایوان میں پہنچا ہوں جو دنیا میں ایک مثال ہے۔ https://jang.com.pk/assets/uploads/akhbar/2025-12-18/1538608_042311_updates.jpg
کراچی کو خون میں نہلایا جا رہا ہے، خالد مقبول صدیقی
کراچی متحدہ قومی موومنٹ پاکستان کے چیئرمین و... https://jang.com.pk/assets/front/images/jang-icons/16x16.png
انہوں نے تعلیم کے حصول سے متعلق بات کرتے ہوئے کہا کہ بیرون ملک جانا برین ڈرین نہیں برین ٹرین ہے، ہمارے پاس نوجوان ہیں جو بوجھ نہیں ہماری طاقت ہیں۔
ان کا کہنا تھا کہ لڑکیاں تعلیم میں بہت آگے ہیں لیکن 80 فیصد کو گھر بٹھا دیا جاتا ہے۔ ساسوں، شوہروں اور ماؤں سے کہتا ہوں کہ لڑکیوں کو چمٹا ضرور پکڑائیں لیکن استھیتھو اسکوپ نہ چھینیں۔
وفاقی وزیر تعلیم نے کہا کہ لڑکیوں کی تعلیم پر حکومت خطیر رقم خرچ کرتی ہے جو ایسی صورت میں ضائع ہوجاتی ہے۔
Pages:
[1]