گولڈن گلوبز 2026: کم عمر گرل فرینڈ رکھنے پر لیونارڈو ڈی کیپریو مذاق بن گئے
https://jang.com.pk/assets/uploads/updates/2026-01-12/1546033_9352754_News6_updates.jpg---فائل فوٹو83ویں گولڈن گلوب ایوارڈز میں میزبان کی جانب سے ہالی ووڈ ستاروں کی نجی زندگی پر کیے گئے بےباک اور طنزیہ تبصروں نے تہلکہ مچادیا۔
گولڈن گلوب ایوارڈز کی افتتاحی تقریر کے دوران میزبان نکی گلیزر نے ہالی ووڈ کے نامور فنکار لیونارڈو ڈی کیپریو پر بھی طنزیہ جملے کسے جو سوشل میڈیا پر وائرل ہیں۔
میزبان نے لیونارڈو ڈی کیپریو کی نجی اور رومانوی زندگی پر مذاق کیا جس پر اداکار نے مسکراتے ہوئے مثبت ردِعمل دیا۔
نکی گلیزر نے کہا کہ لیونارڈو نے شاندار کیریئر بنایا، بڑے ہدایتکاروں کے ساتھ کام کیا، تین گولڈن گلوبز اور ایک آسکر جیتا اور سب سے متاثر کن بات یہ ہے کہ یہ سب اُنہوں نے اپنی گرل فرینڈ کی عمر 30 سال ہونے سے پہلے حاصل کر لیا۔
اس جملے پر لیونارڈو ہنستے ہوئے نظر آئے اور سر ہلا کر میزبان کے مذاق کو ’تَھمز اَپ‘ کے ذریعے سراہا۔
بعدازاں میزبان نکی گلیزر نے اپنے اس مذاق پر معذرت کی اور کہا کہ لوگ لیونارڈو کے بارے میں بس یہی جانتے ہیں، اداکار نے اس بات پر بھی ہنستے ہوئے اتفاق کیا۔
تقریر کے دوران نکی گلیزر نے ٹموتھی شالامیٹ، مائیکل بی جورڈن، شان پین، کیون ہارٹ اور ڈوین جانسن پر بھی طنزیہ جملے کسے جن پر صارفین آن لائن سخت ردِ عمل دے رہے ہیں۔
نکی گلیزر نے ایوارڈز شو کے دوران نیٹ فلکس اور وارنر برادرز ڈیل، ایپسٹین فائلز اور ہالی ووڈ کی دیگر بڑی خبروں پر بھی طنزیہ تبصرہ کیا۔
واضح رہے کہ نکی گلیزر نے گزشتہ سال گولڈن گلوبز کی میزبانی میں ڈیبیو کیا تھا اور کامیاب کارکردگی کے بعد اِنہیں 2026ء کےلیے دوبارہ میزبان منتخب کیا گیا تھا۔
Pages:
[1]