میٹا اسمارٹ گلاسز کا نیا فیچر، عوامی مقامات پر وائس کالز مزید بہتر
https://jang.com.pk/assets/uploads/updates/2026-01-12/1546032_1496643_10_updates.jpgفائل فوٹومیٹا کے رے بین اسمارٹ گلاسز اب شور شرابے والے عوامی مقامات پر وائس کالز کے لیے کہیں زیادہ مؤثر ہو گئے ہیں اور اس کی وجہ ایک نیا اور جدید سافٹ ویئر بیسڈ فیچر ہے جسے کنورزیشن فوکس کا نام دیا گیا ہے۔
اب تک میٹا کے اسمارٹ گلاسز کو آڈیو کوالٹی سے متعلق مشکلات کا سامنا تھا، خاص طور پر ایسے مقامات پر جہاں پس منظر میں شور ہو جیسے کیفے، سڑکیں یا دفاتر چونکہ یہ گلاسز ایئرپوڈز جیسے مخصوص ایئربڈز کی طرح الگ مائیکروفون اور اسپیکرز نہیں رکھتے، اس لیے آواز کو پس منظر کے شور سے الگ کرنا مشکل ہو جاتا تھا۔
تاہم اب یہ مسئلہ بڑی حد تک حل ہو چکا ہے کیونکہ میٹا نے اسمارٹ گلاسز میں Conversation Focus نامی نیا فیچر متعارف کروا دیا ہے، جو شور والے ماحول میں گفتگو کو پہلے سے کہیں زیادہ واضح بنا دیتا ہے۔
یہ ایک جدید آڈیو فیچر ہے جو اس شخص کی آواز پر فوکس کرتا ہے جو اسمارٹ گلاسز پہننے والے کے عین سامنے موجود ہو جبکہ اردگرد کے غیر ضروری شور کو فلٹر کر دیتا ہے۔ https://jang.com.pk/assets/uploads/updates/2025-09-21/1512202_100206_updates.jpg
میٹا کے اسمارٹ گلاسز کی رونمائی، مارک زکربرگ کا لائیو ڈیمو ناکام
یہ گلاسز جدید فیچرز کے باوجود صارفین کے لیے مناسب قیمتوں پر دستیاب ہوں گے۔ https://jang.com.pk/assets/front/images/jang-icons/16x16.png
میٹا کے مطابق یہ فیچر شور والی جگہوں پر بات چیت کے دوران سامنے موجود شخص کی آواز کو نمایاں طور پر بہتر بناتا ہے، جس سے فون یا ایئربڈز استعمال کیے بغیر واضح گفتگو ممکن ہو جاتی ہے۔
اس فیچر کو آن کرنا نہایت آسان ہے، صارف کو صرف وائس کمانڈ دینی ہوتی ہے کہ ہائے میٹا، کنورزیشن فوکس کو شروع کیا جائے، اس کے بعد اسمارٹ گلاسز خود بخود مطلوبہ آواز کو بہتر بنانا شروع کر دیتے ہیں۔
Pages:
[1]