بانی سے ملاقاتوں کو بحال کیا جائے: پی ٹی آئی اجلاس میں متفقہ قرارداد منظور
https://jang.com.pk/assets/uploads/updates/2026-01-13/1546409_5340314_ptu_updates.jpgفائل فوٹوچیئرمین پی ٹی آئی بیرسٹر گوہر کی زیر صدارت پاکستان تحریک انصاف کی پارلیمانی پارٹی کے اجلاس میں متفقہ طور پر قرارداد کی منظوری دے دی گئی۔
اجلاس میں پاکستان تحریک انصاف کے ارکانِ قومی اسمبلی نے شرکت کی، قرارداد میں بانی پی ٹی آئی سمیت تمام سیاسی اسیران کے حق میں واضح مؤقف اختیار کیا گیا۔
قرارداد میں کہا گیا ہے کہ بے بنیاد اور سیاسی بنیادوں پر قائم مقدمات فوری طور پر ختم کیے جائیں، بانی کے خاندان کے افراد کے تعلقات اور ملاقاتوں کو بحال کیا جائے، بانی کی سیاسی ملاقاتوں اور رابطوں کو جاری رکھنے کی اجازت دی جائے۔
قرارداد کے مطابق سیاسی اسیران کے ساتھ انصاف اور قانونی برابری کو یقینی بنایا جائے۔
پارلیمانی پارٹی نے تحریکِ تحفظِ آئین پاکستان کے قائدین کے دورۂ لاہور کو خراجِ تحسین بھی پیش کیا اور حکومتِ پنجاب کے کارکنان پر لاٹھی چارج، رکاوٹیں اور پولیس کی غنڈہ گردی کی مذمت کی گئی جبکہ وزیراعلیٰ کے پی کے دورۂ کراچی پر انہیں اور ان کی پوری ٹیم کو مبارکباد دی گئی۔ https://jang.com.pk/assets/uploads/akhbar/2026-01-13/1546252_041239_updates.jpg
حقوق کی جنگ خود لڑنی ہے، آزادی پلیٹ میں سجا کر نہیں ملے گی، وزیراعلیٰ کے پی
کراچی تحریک انصاف کے سیکریٹری جنرل سلمان اکرم... https://jang.com.pk/assets/front/images/jang-icons/16x16.png
قرارداد میں سندھ حکومت کی جانب سے دورے کے دوران رکاوٹیں ڈالنے کی مذمت کی گئی۔
قرارداد میں کہا گیا ہے کہ خیبرپختونخوا میں پی ٹی آئی کے بلائے گئے امن جرگے کے اعلامیے کو من و عن تسلیم کیا جائے اور اس اعلامیے پر فوری اور مؤثر عملدرآمد یقینی بنایا جائے۔
قرارداد میں عمر ایوب، زرتاج گل، صاحبزادہ حامد رضا، لطیف چترالی، احمد چھٹہ، بلال اعجاز احسان ورک، رانا فراز نون، رائے حیدر علی، رائے حسن نواز اور جمشید دستی کو خراجِ تحسین پیش کیا گیا ہے۔
قرارداد میں کہا گیا ہے کہ ملک اس وقت ایک نہایت نازک اور پیچیدہ سیاسی دور سے گزر رہا ہے، جمہوری قوتوں سے مطالبہ ہے کہ ایک نئے میثاقِ جمہوریت پر اتفاق کیا جائے، الیکشن کمیشن کی ایسی تشکیلِ نو ہو جس پر تمام فریقین کا اتفاق ہو۔
پی ٹی آئی نے قرارداد میں شفاف، آزاد و منصفانہ نئے انتخابات کا انعقاد یقینی بنانے کا بھی مطالبہ کیا ہے۔
Pages:
[1]