وزیراعلیٰ سہیل آفریدی کے دورے سے قبل سیکیورٹی تھریٹ موجود تھا: شرجیل میمن
https://jang.com.pk/assets/uploads/updates/2026-01-13/1546443_9759389_13_updates.jpg—فائل فوٹوسندھ کے سینئر وزیر شرجیل انعام میمن کا کہنا ہے کہ وزیراعلیٰ سہیل آفریدی کے دورے سے قبل سیکیورٹی تھریٹ موجود تھا، جس سے انہیں آگاہ کیا گیا تھا۔
کراچی میں پریس کانفرنس کرتے ہوئے انہوں نے کہا کہ سیکیورٹی پلان بھی ترتیب دیا گیا، طے شدہ روٹس اور مقامات کے برعکس دورے کیے گئے۔
شرجیل انعام میمن کا کہنا ہے کہ ناصر شاہ نے پی ٹی آئی رہنماؤں سے رابطہ کر کے ان سے پروگرام لیا، پہلے دن ہی انہیں کہا تھا کہ ان علاقوں میں جائیں، ان علاقوں میں نہ جائیں، یہاں تھریٹ ہے۔
انہوں نے کہا کہ اس موقع پر پولیس پر پتھراؤ، میڈیا کی گاڑیوں کو نقصان اور صحافیوں سے بدسلوکی کے واقعات پیش آئے، سیکیورٹی صورتِ حال کا ناجائز فائدہ اٹھاتے ہوئے بدنظمی پیدا کی گئی۔ https://jang.com.pk/assets/uploads/updates/2026-01-13/1546399_124629_updates.jpg
وزیراعلیٰ بتائیں افغانستان ملوث نہیں تو دہشتگردی میں کون ملوث ہے؟ فیصل کریم کنڈی
انہوں نے کہا کہ یہ مانتے ہیں کہ وفاق نے صوبے کو سو فیصد حصہ نہیں دیا لیکن جو دیا ہے وہ کہاں لگایا؟ ضم اضلاع میں ایک تھانا بھی بنایا گیا؟ https://jang.com.pk/assets/front/images/jang-icons/16x16.png
ان کا کہنا تھا کہ ہم نے جلسے کی اجازت دی تو پانچ منٹ میں بیان آیا کہ جلسہ نہیں کریں گے، ان کے ساتھ اچھے ماحول میں تمام تر چیزوں پر بات ہوئی، ان کو سیکیورٹی نے منع کیا مگر وہ ضلع وسطی میں گئے اور وعدہ خلافی کی، اگلے دن ان کو حیدرآباد جانا تھا وہاں مکمل سیکیورٹی دی گئی تھی۔
صوبائی وزیر نے کہا کہ 9 مئی جیسی صورتِ حال پیدا کرنے کی کوشش کی گئی، اس صورتِ حال کے باوجود حکومتِ سندھ نے تحمل کا مظاہرہ کیا اور کسی رہنما کے خلاف ایف آئی آر درج نہیں کی۔
شرجیل انعام میمن کا کہنا تھا کہ سندھ کابینہ کا اہم اجلاس ہوا جس میں اہم فیصلے ہوئے ہیں، کابینہ نے این ای ڈی میں طالبات ہاسٹل کے لیے رقم کی منظوری دی۔ سکھر حیدرآباد سمیت گرجا گھروں کی بحالی کے لیے بھی رقم مختص کی ہے۔
Pages:
[1]