گووندا کی اہلیہ سنیتا آہوجا بالی ووڈ ڈیبیو کیلئے تیار
https://jang.com.pk/assets/uploads/updates/2026-02-07/1554173_3031983_%D9%86%D8%A8%D8%A8%D9%86%D8%AF_updates.jpgسنیتا آہوجا — فائل فوٹو
شادی سے متعلق بے باک بیانات کے باعث حالیہ دنوں میں خبروں کی زینت بنے والی بالی ووڈ کے معروف اداکار گووندا کی اہلیہ سنیتا آہوجا بھی فلمی دنیا میں قدم رکھنے کے لیے تیار ہیں۔
غیر ملکی میڈیا رپورٹس کے مطابق سنیتا آہوجا نے ایک فلم سائن کر لی ہے اور جلد بالی ووڈ میں بطور اداکارہ ڈیبیو کرنے جا رہی ہیں۔
میڈیا رپورٹس کے مطابق 57 سالہ سنیتا آہوجا ایکتا کپور کے پروڈکشن ہاؤس بالاجی موشن پکچرز کے بینر تلے بننے والی فلم میں اداکاری کریں گی۔ https://jang.com.pk/assets/uploads/updates/2026-01-17/1547729_052039_updates.jpg
گووندا کے مبینہ افیئرز پر اہلیہ سنیتا آہوجا کی گفتگو
بالی ووڈ کے لیجنڈ اداکار گووندا کی اہلیہ سُنیتا آہوجا نے ازدواجی تنازعات اور شوہر کے مبینہ افیئرز پر کھل کر گفتگو کی ہے۔ https://jang.com.pk/assets/front/images/jang-icons/16x16.png
سنیتا فلم میں ایک اہم کردار ادا کریں گی، جس کے لیے وہ تقریباً 20 دن کی شوٹنگ کریں گی، جبکہ بعض زیرِ گردش خبروں کے مطابق سنیتا آہوجا ایکتا کپور کے ریئلٹی شو لاک اَپ 2 کا حصہ بھی بن سکتی ہیں، جس کا اعلان 2026ء کے آغاز میں کیا گیا تھا، تاہم اس حوالے سے تاحال کوئی باضابطہ تصدیق سامنے نہیں آئی۔
دریں اثناء سنیتا آہوجا نے ایک انٹرویو میں اپنے بیٹے یش وردھن کی آئندہ فلم کی تصدیق کرتے ہوئے کہا تھا کہ وہ ساجد خان اور ایکتا کپور پروڈکشن کے ساتھ ایک فلم کر رہا ہے، مجھے ایکتا بہت پسند ہے، مجھے ساجد بھی بہت اچھے لگتے ہیں، ساجد تو میرے چھوٹے بھائی جیسے ہیں۔
انہوں نے کہا تھا کہ یش وردھن کے ہمراہ نتانشی بھی اس فلم میں ہیں، میں ان سے مل چکی ہوں، وہ بہت پیاری لڑکی ہیں، میں چاہتی ہوں کہ یہ فلم بلاک بسٹر ہو اور مجھے یقین ہے کہ یہ ہو گی۔
انہوں نے یہ بھی کہا تھا کہ ویسے میرا بچہ بھی آسمان چھوئے گا، یش وردھن کی یہ فلم جس کا نام ’100‘ ہے، 200 کروڑ روپے سے زیادہ کا بزنس کرے گی۔
Pages:
[1]