ریٹائرمنٹ کا اعلان کرنے والے ارجیت سنگھ نے نیا گانا ریلیز کر دیا
https://jang.com.pk/assets/uploads/updates/2026-02-03/1553016_6280561_%D8%A8%D9%86%D8%AF_updates.jpgشاہد کپور اور اریجیت سنگھ — فائل فوٹوزبالی ووڈ کے ہردلعزیز گلوکار اریجیت سنگھ نے ریٹائرمنٹ کے اعلان کے بعد پہلا گانا ’عشق کا فیور‘ جاری کر دیا۔
بھارتی میڈیا رپورٹس کے مطابق ایک ہفتہ قبل پلے بیک گلوکاری سے اچانک ریٹائرمنٹ کا اعلان کرنے والے 38 سالہ گلوکار اریجیت سنگھ نے اپنا نیا گانا جاری کر کے مداحوں کے دل خوش کر دیے۔
میڈیا رپورٹس کے مطابق گزشتہ روز ٹی سیریز کے بینر تلے شاہد کپور کی آنے والی فلم ’او رومیؤ‘ کا نیا گانا عشق کا فیور ریلیز کیا گیا، جو ریٹائرمنٹ کے اعلان کے بعد گلوکار کا پہلا گانا ہے۔ https://jang.com.pk/assets/uploads/updates/2026-01-27/1550867_085110_updates.jpg
اریجیت سنگھ کا اب مزید فلمی گانے نہ گانے کا اعلان
گلوکاری کی دنیا سے بڑی خبر سامنے آ گئی، معروف بالی ووڈ گلوکار اریجیت سنگھ نے پلے بیک سنگنگ سے ریٹائرمنٹ کا اعلان کر دیا۔ https://jang.com.pk/assets/front/images/jang-icons/16x16.png
یہ رومانوی گانا اریجیت سنگھ کی روح کو چھو لینے والی آواز اور نرم و مدھم دھن کا حسین امتزاج ہے، جو محبت اور جدائی کے جذبات کو بخوبی اجاگر کرتا ہے۔
مداحوں کی جانب سے گانے کو ایک جدید اور دل کو چھو لینے والا لو اینتھم قرار دیا جا رہا ہے۔
گانے کی ویڈیو میں شاہد کپور اور ترپتی ڈمری جلوہ گر ہیں، جہاں دونوں کے درمیان کیمسٹری دکھائی گئی ہے۔
ویڈیو میں ان کی خاموش مگر پروان چڑھتی محبت کو پیش کیا گیا ہے، جو آگے چل کر ایک گہری، جذباتی اور دل میں اتر جانے والی داستان میں بدل جاتی ہے۔
Pages:
[1]