وزن کم کرنے میں مددگار سبزی بیہہ کے صحت پر حیران کن طبی فوائد
https://jang.com.pk/assets/uploads/updates/2026-02-02/1552662_6774512_News6_updates.jpg---فائل فوٹو
بیہہ （لوٹس روٹ） ایک غذائیت سے بھرپور سبزی ہے جو تیزی سے وزن کم کرنے اور صحت پر بے شمار طبی فوائد کی حامل ہونے کے سبب مقبول ہو رہی ہے۔ فائبر، وٹامن سی اور پوٹاشیئم سے بھرپور یہ سبزی ناصرف کم کیلوریز رکھتی ہے بلکہ مجموعی صحت کے لیے بھی مفید سمجھی جاتی ہے۔
بیہہ سبزی جسے لوٹس روٹ بھی کہا جاتا ہے آج کل سوشل میڈیا پر کافی وائرل ہے، خصوصاً نوجوان طبقہ وزن کم کرنے اور فٹنس کے لیے اس سبزی کو ترجیح دے رہا ہے۔
ماہرین کے مطابق بیہہ میں موجود فائبر کی زیادہ مقدار دیر تک پیٹ بھرے رہنے کا احساس دلاتا ہے جس سے بغیر بھوک کے کھانا کھانے کی خواہش پر قابو پایا جا سکتا ہے، اس کی کم کیلوریز اور کمپلیکس کاربوہائیڈریٹس بلڈ شوگر کو متوازن رکھنے میں مدد دیتے ہیں جو وزن کم کرنے کے لیے اہم ہے۔
بیہہ سبزی کے اہم فوائد: https://jang.com.pk/assets/uploads/updates/2026-01-30/1551746_021211_updates.jpg
ہینگ کیا ہے؟ اس کے فوائد، استعمال، نقصانات کیا ہیں؟
’آیورویدک‘ طب میں ہیِنگ کو ہاضمہ بہتر بنانے، سانس کے امراض اور بعض دیگر بیماریوں کے علاج میں استعمال کیا جاتا رہا ہے۔ https://jang.com.pk/assets/front/images/jang-icons/16x16.png
غذائی ماہرین کے مطابق بیہہ کی سبزی نظامِ ہاضمہ بہتر بناتی ہے اور آنتوں کی صحت کے لیے مفید ہے، اس میں پوٹاشیئم کی موجودگی دل کی صحت کو سہارا دیتی ہے۔ وٹامن سی کی وافر مقدار قوتِ مدافعت بڑھاتی ہے۔ اینٹی آکسیڈنٹس جسم میں چربی کم کرنے میں مددگار ثابت ہوتے ہیں اور روایتی طب کے مطابق یہ سبزی معدہ ٹھنڈا رکھنے کے لیے بھی استعمال کی جاتی ہے۔
استعمال کا درست طریقہ:
بیہہ کو اچھی طرح دھو کر اور مکمل طور پر پکا کر استعمال کرنا چاہیے۔ کچی حالت میں کھانے سے معدے کے مسائل ہو سکتے ہیں۔ اسے ابال کر، بھانپ میں پکا کر یا ہلکا فرائی کر کے کھایا جا سکتا ہے۔
ممکنہ نقصانات: https://jang.com.pk/assets/uploads/updates/2026-01-28/1551055_093959_updates.jpg
رات کا کھانا جلد کھانے کے صحت پر حیران کن فوائد
طبی ماہرین نے انکشاف کیا ہے کہ رات کے کھانے کا وقت صحت کے لیے کھانے کی مقدار سے بھی زیادہ اہم ہے، رات دیر سے کھانا کھانا ناصرف نیند کو متاثر کرتا ہے بلکہ شوگر، وزن اور ہارمونز پر بھی منفی اثر ڈالتا ہے۔ https://jang.com.pk/assets/front/images/jang-icons/16x16.png
بیہہ کا زیادہ مقدار میں استعمال کرنے سے گیس یا پیٹ میں تکلیف ہو سکتی ہے۔ بعض افراد میں الرجی کا امکان بھی ہوتا ہے۔ شوگر یا خون پتلا کرنے والی ادویات استعمال کرنے والے افراد اس سبزی کا استعمال ڈاکٹر سے مشورے کے بعد کریں۔
نوٹ: یہ مضمون قارئین کی معلومات کیلئے شائع کیا گیا ہے، صحت سے متعلق امور میں اپنے معالج کے مشورے پر عمل کریں۔
Pages:
[1]