پاکستان ہاکی ٹیم کے کھلاڑیوں کی بات مان لی گئی، موجودہ مینجمنٹ کو مصر نہ بھیجنے کا فیصلہ
https://jang.com.pk/assets/uploads/updates/2026-02-21/1558691_496090_Pakistan-Hockey_updates.jpgفوٹو: فائلپاکستان ہاکی ٹیم کے کھلاڑیوں کی بات مان لی گئی، ورلڈکپ کوالیفائنگ راؤنڈ کیلئے موجودہ مینجمنٹ کو مصر میں شیڈولڈ ورلڈکپ کوالیفائنگ راؤنڈ میں ٹیم کے ساتھ نہ بھیجنے کا فیصلہ کیا گیا ہے، نئی مینجمنٹ کا اعلان جلد کیا جائے گا۔
پاکستان ہاکی فیڈریشن کے ایڈہاک صدر محی الدین وانی نے آسٹریلیا اور ارجنٹینا جانے والی پاکستان ہاکی ٹیم کی مینجمنٹ سے ملاقات کی جس کی قیادت پاکستان ہاکی ٹیم کے ہیڈکوچ طاہر زمان کر رہے تھے۔
ملاقات میں محی الدین وانی نے دورہ آسٹریلیا میں پیش آنے والے بدنظمی کے واقعات پر ٹیم مینجمنٹ کا موقف سنا۔ https://jang.com.pk/assets/uploads/akhbar/2026-02-19/1558000_055913_updates.jpg
پاکستان ہاکی فیڈریشن ایک نئے تنازع کی زد میں آگئی
اسلام آباد پاکستان ہاکی فیڈریشن ایک نئے تنازع کی... https://jang.com.pk/assets/front/images/jang-icons/16x16.png
صدر پی ایچ ایف محی الدین احمد وانی نے مینجمنٹ کو ہدایت کی کہ وہ قاہرہ میں ہونے والے ورلڈکپ کوالیفائر کو جاری رکھیں لیکن وفد نے درخواست کی کہ انہیں مستقبل کے دوروں میں بہتری اور کھلاڑیوں کی پیشہ ورانہ تربیت و ترقی سے متعلق ایک جامع رپورٹ تیار کرنے کی اجازت دی جائے۔
صدر پی ایچ ایف نے وفد کی درخواست منظور کرتے ہوئے انہیں ہدایت دی کہ وہ موجودہ دورے میں ہمراہ جانے کے بجائے پاکستان ہاکی فیڈریشن کی رہنمائی کے لیے جامع رپورٹ کی تیاری پر توجہ دیں۔
Pages:
[1]