صدر و وزیرِ اعظم کا ہاکی ٹیم کے ورلڈ کپ کیلئے کوالیفائی کرنے پر اظہارِ مسرت
https://jang.com.pk/assets/uploads/updates/2026-03-07/1562940_1919559_President-and-PM-of-Pakistan-1_updates.jpg—فائل فوٹوصدرِ مملکت آصف زرداری اور وزیرِ اعظم شہباز شریف نے ہاکی ٹیم کو طویل وقفے کے بعد ورلڈ کپ کے لیے کوالیفائی کرنے پر خوشی کا اظہار کیا ہے۔
صدرِ مملکت آصف علی زرداری نے قومی ہاکی ٹیم کے طویل وقفے کے بعد ورلڈ کپ کے لیے کوالیفائی کرنے پر مسرت کا اظہار کرتے ہوئے کہا ہے کہ یہ کامیابی پاکستان میں ہاکی کے احیاء اور نوجوان کھلاڑیوں کے لیے حوصلہ افزا پیغام ہے۔
صدرِ مملکت نے یہ بھی کہا ہے کہ کھیل قومی اتحاد، نظم و ضبط اور صحت مند معاشرے کے فروغ میں اہم کردار ادا کرتے ہیں۔https://jang.com.pk/assets/uploads/updates/2026-03-06/1562762_093407_updates.jpg
پاکستان نے ہاکی ورلڈ کپ کیلئے کوالیفائی کرلیا
پاکستان نے ہاکی ورلڈ کپ 2026ء کے لیے کوالیفائی کرلیا ہے۔ https://jang.com.pk/assets/front/images/jang-icons/16x16.png
دوسری جانب وزیرِ اعظم شہباز شریف نے کہا ہے کہ حکومت قومی ہاکی ٹیم کو تمام تر سہولتیں فراہم کرے گی۔
انہوں نے قومی ہاکی ٹیم کی 8 سال بعد ورلڈ کپ کے لیے کوالیفائی کرنے پر پذیرائی کرتے ہوئے ہوئے کہا ہے آپ کی تمام تر توجہ کھیل میں نمایاں کارکردگی کی جانب مرکوز ہونی چاہیے۔
وزیرِاعظم نے کھلاڑیوں کو مزید محنت جاری رکھنے کی نصیحت کرتے ہوئے کہا ہے کہ آپ اسی محنت اور عزم سے کھیل کر ورلڈ کپ حاصل کرسکتے ہیں۔
قبل ازیں مصر میں جاری ورلڈ کپ ہاکی کوالیفائیر کے سیمی فائنل میں پاکستان نے جاپان کو سنسنی خیز مقابلے کے بعد شکست دے کر ورلڈ کپ 2026ء کے لیے کوالیفائی کیا ہے۔
Pages:
[1]