افغانستان سے دہشتگردی پوری دنیا کے لیے خطرہ ہے، عاصم افتخار
https://jang.com.pk/assets/uploads/updates/2026-03-10/1563570_9147823_asim-iftikhar_updates.jpgاقوام متحدہ میں پاکستان کے مندوب عاصم افتخار نے کہا ہے کہ پاکستان محفوظ اور پرامن افغانستان چاہتا ہے، افغانستان میں دہشتگردوں کے گروہ موجود ہیں، افغانستان سے دہشتگردی پوری دنیا کے لیے خطرہ ہے۔ دوحہ معاہدے پر عمل درآمد آگے بڑھنے کا واحد راستہ ہے۔
اقوام متحدہ کی سلامتی کونسل کے افغانستان سے متعلق اجلاس سے خطاب کرتے ہوئے عاصم افتخار نے کہا کہ 26 فروری کو طالبان رجیم نے پاکستان پر بلاوجہ حملہ کیا۔ پاکستان نےجوابی کارروائی کرتے ہوئے دشمن فورس اور دہشتگردوں کو نشانہ بنایا۔
انہوں نے کہا کہ دہشتگرد تنظیموں کےلیےافغانستان محفوظ پناہ گاہ بن چکا ہے،طالبان رجیم نے دہشتگردوں کو پناہ دے رکھی ہے، افغانستان سے آنے والے دہشتگردوں نے معصوم پاکستانیوں کو قتل کیا۔ ہم نے انسداد دہشتگردی آپریشن کے دوران غیرملکی اسلحہ برآمد کیا۔
اجلاس سے خطاب میں پاکستان مندوب کا کہنا تھا کہ طالبان حکومت امن کا دور شروع کرنے کے لیے ذمے دار تھی، افغان طالبان رجیم دوحہ معاہدے کی خلاف ورزی کررہی ہے۔
عاصم افتخار نے کہا کہ پچھلے سال ہم نے افغانستان کو کئی مراعات دیں، دوحہ معاہدے پر عمل درآمد آگے بڑھنے کا واحد راستہ ہے۔
ان کا مزید کہنا تھا کہ ٹی ٹی پی، بی ایل اے اور دیگر دہشتگرد تنظیمیں افغانستان سے دہشتگرد حملوں کی منصوبہ بندی کرتی ہیں، دہشتگرد پاکستان کے مختلف شہروں پر خودکش حملے کررہے ہیں۔
Pages:
[1]