گیس لیکج دھماکوں کے باعث ہلاکتوں پر ریسکیو حکام نے ایڈوائزری جاری کر دی۔
ریسکیو حکام کے مطابق سردیوں میں گیس لیکج کے واقعات میں مسلسل اضافہ ہو رہا ہے، گیس کی بو آنے پر بجلی کا بٹن نہ دبائیں اور آگ نہ جلائیں۔
حکام نے کہا کہ گیس لیکج کی صورت میں دروازے کھڑکیاں فوراً کھول دیں، گیس لیکج کی صورت میں اہل خانہ کو فوراً باہر محفوظ مقام پر منتقل کریں۔
اسلام آباد: شادی کے گھر میں گیس لیکج دھماکے کی تحقیقاتی رپورٹ کا جائزہ اجلاس
اجلاس میں حفاظتی اقدامات اور آئندہ کی سفارشات پر بھی غور کیا گیا، کمیٹی 48 گھنٹوں میں اپنی رپورٹ وزیراعظم شہباز شریف کو پیش کرے گی۔
ریسکیو حکام کا کہنا تھا کہ گیس سے متعلقہ آلات اور گیس پائپ کو لازمی چیک کریں، سردیوں میں بچوں کو گیس کے آلات سے دور رکھیں، رات کو سونے سے قبل تمام گیس آلات درست طریقے سے بند کریں۔
حکام نے کہا کہ بروقت احتیاط ہی جانوں کے تحفظ کی ضامن ہے، گیس آلات کے استعمال میں کسی بھی قسم کی لاپرواہی خطرناک ہو سکتی ہے۔
ریسکیو حکام کا یہ بھی کہنا تھا کہ حادثے کی صورت میں فوراً ریسکیو ہیلپ لائن 1122 پر اطلاع دیں، بروقت اطلاع ہی بروقت ریسپانس کو ممکن بناتی ہے۔
Post time 2026-1-15 16:57:58
فائل فوٹو 
