امریکا کے صدر ڈونلڈ ٹرمپ کی صحت ایک بار پھر خبروں کی زینت بن گئی ہے، ایک عوامی تقریب کے دوران ان کی گردن پر سرخ نشان دیکھے گئے۔
صدر کے ذاتی معالج ڈاکٹر شان باربیلا نے وضاحت کرتے ہوئے کہا ہے کہ گردن پر ظاہر ہونے والی سرخی تشویش کا باعث نہیں۔
انہوں نے امریکی نشریاتی ادارے سی این این کو دیے گئے انٹرویو میں بتایا کہ صدر ٹرمپ گردن کے دائیں حصے پر ایک عام نوعیت کی کریم استعمال کر رہے ہیں جو جلد کے حفاظتی علاج （پریوینٹو اسکن ٹریٹمنٹ） کے طور پر دی گئی ہے۔
ڈاکٹر باربیلا کے مطابق صدر ایک ہفتے تک یہ علاج کریں گے جبکہ سرخی چند ہفتوں تک برقرار رہ سکتی ہے، تاہم انہوں نے بنیادی جلد کے مسئلے کی تفصیل فراہم نہیں کی۔
ٹرمپ کے سوجے ٹخنوں کی تصاویر کے بعد سوالات اٹھنے لگے
عوامی اور طبی حلقوں میں ’ایڈیما‘ （Edema） نامی کیفیت پر بحث شروع ہو گئی۔
یہ واقعہ ایسے وقت سامنے آیا ہے جب چند ہفتے قبل 79 سالہ صدر کے ہاتھوں کی پشت پر نیل کے نشانات بھی دیکھے گئے تھے، جن کے بارے میں انہوں نے وضاحت کی تھی کہ یہ زیادہ مصافحہ کرنے اور روزانہ اسپرین کی نسبتاً زیادہ مقدار لینے کے باعث ہوئے۔
صدر کے معالج نے ایک بار پھر مؤقف اختیار کیا ہے کہ وہ مجموعی طور پر بہترین صحت میں ہیں۔
دوسری جانب سوشل میڈیا پر اس معاملے پر ملے جلے ردِعمل سامنے آئے، کچھ صارفین نے سخت تنقید کی ہے جبکہ بعض نے کہا ہے کہ اس عمر میں جلد پر سرخی یا معمولی مسائل غیر معمولی بات نہیں۔
Post time 2026-3-3 16:04:58
