کراچی میں تاجروں سے بھتا وصول کرنے کے واقعات پر بنی پولیس کی رپورٹ جیو نیوز کو موصول ہوگئی۔
پولیس کی رپورٹ کے مطابق آباد کے 8 اراکین کو بھتا وصولی کے لیے دھمکی آمیز کال کی گئی تھی، پہلا واقعہ 27 ستمبر کو ملیر میں پیش آیا تھا جس کا مقدمہ اسی روز ملیر سٹی تھانے میں درج کیا گیا تھا۔
پولیس کی رپورٹ میں بتایا گیا ہے کہ 13 دسمبر کو ناظم آباد میں چھاپے کے دوران 3 ملزمان گرفتار ہوئے جو کہ ملیر میں بھتا وصولی میں ملوث تھے۔
کراچی میں بھتے کے واقعات بڑھ رہے ہیں، چیئرمین آباد محمد حسن بخشی
محمد حسن بخشی نے کہا کہ کراچی میں خوف و ہراس کی فضا قائم کی جارہی ہے، پورے شہر میں سیف سٹی کیلئے کیمرے لگائے گئے، پوچھنا چاہتے ہیں ان کیمروں سے کتنے بھتہ خور پکڑے گئے۔
اس کیس سے متعلق پولیس کی رپورٹ میں بتایا گیا ہے کہ بھتے کی کال بیرونِ ملک کے نمبر سے کی گئی تھی۔
پولیس کی رپورٹ کے مطابق بھتے کی دھمکی ملنے کا دوسرا واقعہ 30 ستمبر کو بہادرآباد میں ہوا، اس مرتبہ بھی کال بیرونِ ملک کے نمبر سے آئی تھی۔
Post time 2025-12-20 20:21:13
فائل فوٹو 
