ایک نئی تحقیق کے مطابق صرف چند منٹ تک بورڈ گیمز کھیلنا بچوں کی دماغی نشوونما کے لیے طویل المدتی فوائد کا باعث بن سکتا ہے۔
ماہرین کا کہنا ہے کہ خاص طور پر نمبروں پر مبنی سادہ بورڈ گیمز ابتدائی تعلیمی صلاحیتوں کو مضبوط بنانے میں کلیدی کردار ادا کرتے ہیں، جو مستقبل میں تعلیمی کامیابی کی بنیاد بنتی ہیں۔
یہ تحقیق امریکا کی یونیورسٹی آف اوریگون کے محققین نے کی، جس میں پری اسکول سے دوسری جماعت تک کے بچوں میں بورڈ گیمز اور ابتدائی ریاضی کی مہارتوں کے باہمی تعلق پر کی گئی 18 سابقہ تحقیقی رپورٹس کا جائزہ لیا گیا۔
تحقیق کا مرکز یہ جانچنا تھا کہ منظم اور نمبروں پر مبنی بورڈ گیمز کس طرح کم عمری میں بچوں کی عددی سمجھ بوجھ پر اثر انداز ہوتی ہیں۔
کیا سوشل میڈیا واقعی نقصان دہ ہے؟ نئی تحقیق نے اسکرین ٹائم کے خدشات کو چیلنج کر دیا
یہ تحقیق جرنل آف پبلک ہیلتھ میں شائع ہوئی
تحقیق کے نتائج کے مطابق وہ بچے جو ایسے نمبروں والی بورڈ گیمز کھیلتے ہیں جس میں پیسسز کو سیدھی عددی ترتیب میں آگے بڑھایا جاتا ہے، ان کی عددی مہارتوں میں 76 فیصد تک بہتری دیکھی گئی۔
محققین کے مطابق یہ گیمز بچوں کو نمبروں کی ترتیب، گنتی اور بنیادی عددی تصورات سمجھنے میں مدد دیتے ہیں، جو ریاضی سیکھنے کے لیے نہایت ضروری بنیاد فراہم کرتے ہیں۔
تحقیق کی شریک مصنفہ جینا نیلسن کے مطابق اس موضوع کے انتخاب کی وجہ یہ ہے کہ ابتدائی عمر میں ریاضی کی مہارتیں بعد کی تعلیمی کامیابی سے گہرا تعلق رکھتی ہیں۔
ان کا کہنا تھا کہ نمبروں پر مبنی بورڈ گیمز اس لیے بھی مؤثر ہیں کیونکہ یہ کھیلنے میں آسان اور باآسانی دستیاب ہوتی ہیں، جس کی وجہ سے یہ گھروں اور اسکولوں دونوں میں ایک مفید تعلیمی ذریعہ بن سکتی ہیں۔
Post time 2026-1-19 20:28:38
فائل فوٹو 
