|
|
 تصویر سوشل میڈیا۔
برطانوی گروپ فلسطین ایکشن نے دہشتگرد قرار دیے جانے کے خلاف ہائیکورٹ میں کیس جیت لیا۔
لندن سے میڈیا رپورٹ کے مطابق ہائیکورٹ کے مزید آرڈر تک فلسطین ایکشن پر پابندی فی الحال برقرار رہے گی۔
رپورٹ کے مطابق فلسطین ایکشن کے ارکان پر آکسفورڈ میں رائل ایئر فورس کے طیاروں کو نقصان پہنچانے کا الزام ہے۔ جس کے بعد فلسطین ایکشن کو دہشتگرد قرار دیا گیا تھا۔
میڈیا رپورٹ کے مطابق گروپ پر پابندی 5 جولائی 25ء کو اس وقت کی ہوم سیکریٹری یوویٹ کوپر نے لگائی تھی۔ فلسطین ایکشن کی ہدیٰ اموری نے حکومتی فیصلے کے خلاف قانونی کارروائی کی۔
رپورٹ کے مطابق پابندی کے بعد فلسطین ایکشن کی حمایت یا رکنیت لینے پر 14 برس جبکہ فلسطین ایکشن کی ٹی شرٹ پہننے یا شناخت اپنانے پر چھ ماہ قید ہوسکتی تھی۔
تین سینئر ججز نے اپنے فیصلے میں کہا کہ فلسطین ایکشن کی سرگرمیاں ایسی نہیں کہ اسے دہشتگرد قرار دیا جائے۔
میڈیا رپورٹ کے مطابق پابندی 20 فروری کو ہونے والی آئندہ سماعت تک برقرار رہے گی۔
ہوم سیکریٹری شبانہ محمود نے کہا کہ فیصلے سے مایوسی ہوئی، حکومت فیصلے کے خلاف اپیل کرے گی۔ |
|
Post time 2026-2-13 22:58:24