|
|
پاکستان کے ذمے قرض اور واجبات کا حجم 138 ارب ڈالر سے بڑھ گیا ہے۔
اکنامک افئیرز ڈویژن کی دستاویز کے مطابق پاکستان کے بیرونی قرضوں پر سود کی ادائیگی میں 84 فیصد اضافہ ہوا ہے، 3 سال میں سود کا حجم بڑھ کر 3 اعشاریہ 59 ارب ڈالر تک پہنچ گیا۔
دستاویز کے مطابق 2022ء کے مقابلے گزشتہ سال سود کی ادائیگی 1 اعشاریہ 67 ارب ڈالر بڑھ گئی، سود سمیت قرضوں کی ادائیگی پر سالانہ 13 ارب 32 کروڑ ڈالرخرچ ہوئے۔
اکنامک افئیرز ڈویژن کی دستاویز کے مطابق سود آئی ایم ایف، عالمی بینک، اےڈی بی، کمرشل بینکوں کو ادا کیا گیا، سعودی عرب اور چین نے بھی سیف ڈپازٹس پر سود وصول کیا۔
دستاویز کے مطابق پاکستان کے نیٹ بیرونی قرضوں میں گزشتہ سال 1 اعشاریہ71 ارب ڈالر اضافہ ہوا جبکہ گزشتہ 3 سال میں 9 اعشاریہ 73 ارب ڈالر قرض کی رقم واپس کی۔
دستاویز کے مطابق پاکستان نے گزشتہ مالی سال 10 اعشاریہ 64 ارب ڈالر کے نئے قرضے سائن کیے ہیں۔ |
|
Post time