شکیب الحسن کو دوبارہ قومی ٹیم کی نمائندگی کرنے کی اجازت نہیں دی جائے گی: مشیر کھیل

slotcosino

  

بنگلادیش کے مایہ ناز آل راؤنڈر اور سابق کپتان شکیب الحسن سابق وزیراعظم کو سالگرہ پر پیغام دینے پر مشکل میں پھنس گئے۔

رپورٹ کے مطابق بنگلادیش کے مشیر کھیل آصف محمود نے کھلاڑی کی حالیہ سوشل میڈیا پوسٹ پر سخت ردعمل دیتے ہوئے کہا ہے کہ شکیب الحسن کو دوبارہ قومی ٹیم کی نمائندگی کرنے کی اجازت نہیں دی جائے گی۔

28 ستمبر کو شکیب الحسن نے سوشل میڈیا پر سابق وزیراعظم کو سالگرہ کی مبارکباد دی، جس کے بعد اسپورٹس ایڈوائزر نے شدید برہمی کا اظہار کیا، انہوں نے اپنے مؤقف میں واضح کیا کہ شکیب مستقبل میں قومی ٹیم میں انتخاب کا حصہ نہیں ہوں گے۔

آصف محمود نے فیس بک پوسٹ میں کہا کہ آپ سب نے مجھ پر تنقید کی کہ میں نے ایک شخص کو بحال نہیں کیا، لیکن میں درست تھا، اب بات ختم ہوگئی۔  

دوسری جانب شکیب الحسن نے سوشل میڈیا پر ردعمل دیتے ہوئے کہا کہ شاید ایک دن میں اپنے مادر وطن لوٹ آؤں، محبت ہے تم سے، بنگلادیش۔

ایک نجی چینل سے گفتگو میں اسپورٹس ایڈوائزر نے اپنے مؤقف کی مزید وضاحت کی اور کہا کہ ہم اسے بنگلادیش کا جھنڈا تھامنے نہیں دے سکتے، میرا باضابطہ حکم ہے کہ شکیب الحسن کبھی دوبارہ بنگلادیش کی نمائندگی نہیں کریں گے، شکیب الحسن عوامی لیگ سے جڑے ہوئے ہیں اور سیاست کر رہے ہیں۔

شکیب نے وضاحت دی کہ سوشل میڈیا پوسٹ سیاسی نوعیت کی نہیں تھی، اس کے پیچھے کوئی اور مقصد نہیں تھا۔   
شکیب الحسن نے ٹی ٹوئنٹی کیریئر میں 500 وکٹیں مکمل کرلیں

کراچی بنگلہ دیش کے سابق کپتان شکیب الحسن نے ٹی...   

واضح رہے کہ شکیب الحسن بنگلادیش کرکٹ کے کامیاب ترین کھلاڑیوں میں شمار ہوتے ہیں، انہوں نے آخری بار اکتوبر 2024ء میں بھارت کے خلاف ٹیسٹ سیریز میں قومی ٹیم کی نمائندگی کی تھی۔

اپنے کیریئر میں شکیب 71 ٹیسٹ، 247 ون ڈے اور 129 ٹی ٹوئنٹی میچ کھیل چکے ہیں، جس میں انہوں نے مجموعی طور پر 14 ہزار 730 رنز بنائے اور 712 وکٹیں حاصل کیں۔