پاکستان اور انٹرنیشنل مانیٹری فنڈ （آئی ایم ایف） مذاکرات کا آج آخری دن ہے۔
آئی ایم ایف کا وفد وفاقی محکموں اور صوبائی حکومتوں سے اپنے مذاکرات مکمل کر چکا ہے۔ آج وزرات خزانہ کی ٹیم اور آئی ایم ایف مشن ایم ای ایف پی کے مسودے کو حتمی شکل دیں گے۔
آئی ایم ایف وفد اپنی سفارشات مکمل کر کے ایگزیکٹیو بورڈ کو بھجوائے گا۔ ان سفارشات کی روشنی میں آئی ایم ایف بورڈ پاکستان کو ایک ارب ڈالر کی قسط جاری کرنے یا نہ کرنے کی منظوری دے گا۔
آئی ایم ایف مشن اور پاکستان کے درمیان اقتصادی جائزہ مذاکرات کا آج اہم دن
بین الاقوامی مالیاتی فنڈ （آئی ایم ایف） مشن اور پاکستان کے درمیان اقتصادی جائزہ مذاکرات کا آج اہم دن ہے۔
آئی ایم ایف نے کھاد پر ایکسائز ڈیوٹی 5 فیصد سے بڑھا کر 10 فیصد کرنے کی تجویز دے رکھی ہے۔ آئی ایم ایف زرعی ادویات پر بھی ٹیکسوں کی شرح میں اضافہ چاہتا ہے۔
ذرائع کے مطابق آئی ایم ایف نے بیگیج/تحائف اسکیم ختم کرنے کی تجویز دی ہے، رہائش گاہ بدلنے کی اسکیم میں مزید سختی کرنے کا مطالبہ کیا ہے۔ تجارتی درآمد پر 5 سال تک پرانی گاڑیاں محدود شرائط پر درآمد کی تجویز بھی دی۔
ذرائع کا کہنا ہے کہ دبئی کے راستے غیر شفاف امپورٹس روکنے کے اقدامات جاری ہیں، آئی ایم ایف نے ٹاسک فورس بنانے کی سفارش اور سول سرونٹس ایکٹ 1973 میں ترمیم کی تجویز بھی دی۔
آئی ایم ایف نے گریڈ 17 سے 22 کے سرکاری ملازمین و اہلِ خانہ کے اثاثے ظاہر کرنے کا بھی مطالبہ کیا ہے جبکہ الیکشن، نیب اور ایف آئی اے ایکٹس میں ترامیم کی سفارش کی ہے۔
Post time 2025-10-10 16:15:06
—فائل فوٹو 
