مصطفیٰ کمال کی تمام اسپتالوں میں بخار کے مریضوں کیلئے الگ کاؤنٹرز قائم کرنے کی ہدایت

slotcosino

  
---فائل فوٹو

وفاقی وزیرِ صحت مصطفیٰ کمال نے ہدایت کی ہے کہ تمام اسپتالوں میں بخار کے مریضوں کے لیے الگ کاؤنٹرز قائم کیے جائیں تاکہ ڈینگی کے مشتبہ مریضوں کی فوری تشخیص اور علاج ممکن بنایا جاسکے۔

مصطفیٰ کمال کی زیر صدارت ڈینگی کی موجودہ صورتحال پر اجلاس ہوا جس میں رکنِ قومی اسمبلی راجہ خرم شہزاد نواز، انجم عقیل خان، وفاقی سیکریٹری صحت اور اسپتالوں کے سربراہان شریک ہوئے۔

وفاقی وزیرِ صحت مصطفیٰ کمال نے اجلاس سے خطاب کرتے ہوئے کہا کہ ڈینگی کی روک تھام کے لیے مربوط حکمت عملی تشکیل دی ہے، ڈینگی وائرس سے نمٹنے کیلئے مؤثر اقدامات جاری ہیں۔   
ہمارا نظام صحت بیمار اور کمزور ہے، مصطفیٰ کمال کا اعتراف

وفاقی وزیرِ صحت مصطفیٰ کمال نے اعتراف کیا ہے کہ ہمارا نظامِ صحت بیمار اور کمزور ہے، اسپتالوں میں سہولتوں کا فقدان ہے۔   

مصطفیٰ کمال نے کہا کہ ڈینگی کے خاتمے کے لیے مربوط حکمتِ عملی اور عوامی سطح پر فوری اقدامات ناگزیر ہیں، انسدادِ ڈینگی کے لیے تمام متعلقہ ادارے مل کر کام کریں تاکہ شہریوں کو محفوظ رکھا جا سکے۔

انہوں نے ہدایت کرتے ہوئے مزید کہا کہ ڈینگی سے نمٹنے کے لیے تعینات عملے کی تین ٹیمیں تشکیل دی جائیں، ٹیموں کی تینوں ایم این ایز کے تحت ذمہ داریاں تفویض کی جائیں تاکہ فیلڈ ورک میں بہتر کوآرڈینیشن اور مؤثر کارروائی کو یقینی بنایا جا سکے۔

مصطفیٰ کمال کا کہنا تھا کہ ڈینگی کے پھیلاؤ کو روکنے کے لیے تمام دستیاب وسائل بروئے کار لائے جائیں گے، عوامی آگاہی کے ساتھ ساتھ عملی اقدامات کو بھی یقینی بنایا جائے گا۔