انسٹاگرام پر اپنے شوہر کو طلاق دینے کا اعلان کرنے والی دبئی کی شہزادی شیخہ مہرہ المکتوم نے ریپر فرنچ مونٹانا سے منگنی کرلی۔
غیر ملکی میڈیا رپورٹس کے مطابق متحدہ عرب امارات （یو اے ای） کے نائب صدر اور وزیرِاعظم شیخ محمد بن راشد المکتوم کی 31 سالہ صاحبزادی شیخہ مہرہ المکتوم نے مراکش سے تعلق رکھنے والے 40 سالہ ریپر فرنچ مونٹانا سے منگنی کرلی، جس کی تصدیق 40 سالہ ریپر کے نمائندے نے کردی۔
میڈیا رپورٹس کے مطابق شیخہ مہرہ اور فرنچ مونٹانا 2024 کے اختتام سے ایک ساتھ ہیں۔ اس وقت شیخہ مہرہ نے فرنچ مونٹانا کو دبئی کا دورہ کروایا اور ایک ساتھ سوشل میڈیا پر تصاویر شیئر کیں تھی۔
شہزادی مہرہ اور فرنچ مونٹانا کی بڑھتی قربتیں، سوشل میڈیا پر ہلچل
شیخہ مہرہ نے انسٹاگرام اسٹوری میں ایک تصویر شیئر کی جس میں دو ہاتھ ایک تالے کو تھامے ہوئے ہیں اور اس پر دل والا اسٹیکر چسپاں ہے
بعدازاں انہیں اکثر صحرائی شہر اور مراکش میں، اعلیٰ درجے کے ریستورانوں میں کھانا کھاتے ہوئے، مساجد میں جاتے ہوئے اور پیرس ایک ساتھ دیکھا گیا۔
رواں سال جون میں انہوں نے پہلی بار باضابطہ اپنے تعلقات کا اعتراف پیرس فیشن ویک کے دوران اس وقت کیا جب انہیں ہاتھوں میں ہاتھ ڈالے ایک ساتھ دیکھا گیا۔
واضح رہے کہ اس سے قبل شیخہ مہرہ کی شادی شیخ مانع آل مکتوم سے اپریل 2023ء میں ہوئی تھی، جو جولائی 2024ء میں طلاق پر ختم ہوگئی، مہرہ نے انسٹاگرام پر طلاق کا اعلان کرتے ہوئے شوہر کی بےوفائی کو وجہ قرار دیا۔ طلاق سے 2 ماہ قبل ان کی بیٹی ’مہرہ‘ کی پیدائش ہوئی تھی۔
شہزادی شیخہ مہرہ نے ’طلاق‘ پرفیوم متعارف کروا دیا
متحدہ عرب امارات کے نائب صدر اور وزیرِ اعظم شیخ محمد بن راشد المکتوم کی صاحبزادی شیخہ مہرہ المکتوم نے طلاق کے بعد ’طلاق‘ کے نام سے پرفیوم متعارف کروا دیا۔
دوسری جانب فرنچ مونٹانا کا اصل نام کریم خربوش ہے، وہ مشہور گانوں Unforgettable اور No Stylist سے عالمی شہرت حاصل کر چکے ہیں، وہ افریقہ اور مشرق وسطیٰ میں فلاحی منصوبوں جیسے تعلیم اور صحت کی سہولیات کی فراہمی میں بھی بڑھ چڑھ کر حصہ لیتے رہے ہیں۔
Post time 
