نہانے کے لیے بہترین وقت کے حوالے سے لوگ دو حصّوں میں تقسیم ہوئے نظر آتے ہیں لہٰذا اس موضوع پر ماہرین صحت کی رائے جاننا بہت ضروری ہے۔
برطانوی میڈیا کی رپورٹ کے مطابق نہانے کا سب سے بڑا فائدہ جلد سے پسینے، تیل، دھول اور آلودگی کو دور کرنا ہے اس لیے اگر کوئی رات کو سونے سے پہلے نہاتا ہے تو وہ اس بات کو یقینی بناتا ہے کہ دن بھر کی گندگی اور جراثیم کو بستر پر ساتھ نہ لے کر جائے لیکن یہ اتنا آسان نہیں ہے اسی لیے ماہرین احتیاط کرنے کا مشورہ دیتے ہیں۔
مائیکرو بایولوجسٹ پرائمروز فری اسٹون بتاتے ہیں کہ نیند کے دوران بھی جسم سے پسینہ نکلتا ہے اور جلد کے ہزاروں مردہ خلیات کو بہا دیتا ہے جو دھول کے ذرات کے لیے خوراک بن جاتے ہیں یعنی اگر آپ اپنی چادریں اور تکیے کو باقاعدگی سے نہیں دھوتے ہیں تو رات کو نہا کر سونے کے فوائد محدود ہیں۔
دھوپ سے بچنے کیلئے سن اسکرین استعمال کرنے کے نقصانات
سن اسکرین جہاں ایک طرف جلد کو سورج کی نقصان دہ شعاعوں سے بچاتی ہے وہیں دوسری طرف جلد کو نقصان بھی پہنچا سکتی ہے۔
یونیورسٹی آف ہل کے ڈاکٹر ہولی ولکنسن کا کہنا ہے کہ بعض اوقات بستر کا صاف ہونا نہانے کے وقت سے زیادہ اہم ہوتا ہے کیونکہ اگر کوئی نہانے کے بعد گندی چادر پر سو جائے تو دھول اور جراثیم آسانی سے اس کے جسم میں منتقل ہو سکتے ہیں۔
بستر صاف نہیں ہے تو نا صرف نہانے کے فوائد محدود ہوں گے بلکہ ایسے میں الرجی، سانس کے مسائل اور جلد کے انفیکشن کا خطرہ بھی بڑھ سکتا ہے۔
رات کو نہانے کے فوائد
تحقیق کے مطابق سونے سے ایک یا دو گھنٹے پہلے گرم پانی سے نہانا نیند کو بہتر بنا سکتا ہے، جیسے جیسے جسم گرم ہونے کے بعد ٹھنڈا ہوتا ہے تو دماغ کو یہ سگنل ملتے ہیں کہ اب آرام کرنے کا وقت ہو گیا ہے جس سے نیند آسانی سے آجاتی ہے۔
ناشتہ چھوڑنا ہڈیوں کیلئے خطرناک ہوسکتا ہے؟ ماہرین نے خبردار کر دیا
ماہرین نے خبردار کیا ہے کہ ناشتہ چھوڑنے سے ہڈیوں کی صحت کے لیے خطرناک ہو سکتا ہے۔
کچھ لوگ صبح میں نہانے کو ترجیح کیوں دیتے ہیں؟
جو لوگ صبح کے وقت نہانے کو ترجیح دیتے ہیں ان کا خیال ہے کہ اس سے جراثیم، رات بھر جسم سے نکلنے والا پسینے اور تیل کو دور کرنے میں مدد ملتی ہے اور دن کا بہتر آغاز ہوتا ہے۔
نہانے کے وقت کے بارے میں ماہرین کی رائے کیا ہے؟
ماہرین کے مطابق نہانے کے لیے وقت زیادہ اہمیت نہیں رکھتا بلکہ اہم صرف جسم کو صاف ستھرا اور جراثیم سے محفوظ رکھنا ہے۔
ماہرین کا یہ بھی کہنا ہے کہ اگر کسی کے کام میں گندگی یا جسمانی مشقت شامل ہے جیسے کہ کاشتکاری یا تعمیر تو پھر عملی طور پر شام کے وقت نہا لینا زیادہ بہتر ہے۔
Post time 
