جنوبی افریقی کرکٹ ٹیم کے کھلاڑیوں نے دوسرے ٹیسٹ میچ کی ٹریننگ کے بعد شاپنگ کی۔
پاکستان اور جنوبی افریقا کے درمیان آخری ٹیسٹ میچ کل راولپنڈی میں شروع ہوگا ، تمام تیاریاں مکمل کرلی گئی ہیں۔
ٹیسٹ چیمپئن کیخلاف سیریز جیتنے کا بہترین موقع ہے: اظہر محمود
قومی کرکٹ ٹیم کے ہیڈ کوچ اظہر محمود نے کہا ہے کہ ٹیسٹ چیمپئن جنوبی افریقا کے خلاف سیریز جیتنے کا بہترین موقع مل گیا ہے۔
سیریز کے فیصلہ کن میچ سے قبل دونوں ٹیموں نے بھرپور پریکٹس کی، دونوں ٹیموں کی فائنل الیون کا فیصلہ کل ٹاس سے قبل ہوگا۔
دوسری طرف جنوبی افریقی ٹیم کے کھلاڑیوں نے راولپنڈی میں ٹریننگ کے بعداسلام آباد کے شاپنگ مال میں سیر و تفریح کی۔
مہمان ٹیم کے کھلاڑیوں نے پاکستان کی روایتی اور ثقافتی اشیاء میں خوب دلچسپی کا اظہار کیا، اپنے اور فیملی کےلیے مختلف اشیاء بھی خریدیں۔
Post time 2025-10-20 04:57:18
