روسی صدر پیوٹن نے کہا ہے کہ صدر ٹرمپ امن کے لیے بہت کچھ کرتے ہیں، یہ فیصلہ کرنا میرا کام نہیں کہ صدر ٹرمپ نوبیل انعام کے حقدار ہیں یا نہیں۔
دوشنبے تاجکستان میں سی آئی ایس سربراہی اجلاس کے بعد نیوز کانفرنس سے خطاب کرتے ہوئے صدر پیوٹن کا کہنا تھا کہ صدر ٹرمپ کا امن منصوبہ کامیاب ہوتا ہے تو یہ ایک تاریخی واقعے سے کم نہیں ہوگا۔
ٹرمپ کو امن کا نوبیل انعام نہ دیے جانے پر وائٹ ہاؤس کی نوبیل کمیٹی پر تنقید
نوبیل کمیٹی کا کہنا ہے کہ امن نوبیل انعام وینزویلا کی جمہوریت نواز رہنما ماریا کورینا مچاڈو کے نام رہا۔
پیوٹن نے کہا کہ روس غزہ میں جنگ کے خاتمے کیلئے صدر ٹرمپ کے اقدام کی حمایت کرتا ہے۔ روس سے امن عمل میں حصہ لینے کا مطالبہ کیا جاسکتا ہے، اس لیے کہ روس کے عرب ممالک اور خاص طور پر فلسطینیوں کے ساتھ اعتماد کے تعلقات ہیں۔
روسی صدر نے کہا کہ کچھ ممالک جوہری ہتھیاروں کے تجربات پر غور کر رہے ہیں، اگر دیگر ممالک ایسا تجربہ کریں گے تو روس بھی ایسا کرنے کے لیے تیار ہوگا۔
Post time 2025-10-10 20:15:11
تصویر سوشل میڈیا۔ 
