|
|
 ---فائل فوٹو
امریکی صدر ڈونلڈ ٹرمپ نے اپنے ہی ملک کے محکمۂ انصاف سے 230 ملین ڈالر ہرجانہ ادا کرنے کا مطالبہ کر دیا ہے۔
امریکی اخبار کی رپورٹ کے مطابق ٹرمپ نے یہ رقم ان تحقیقات کے بدلے میں مانگی ہے جو ماضی میں اِن کے خلاف کی گئیں۔
ٹرمپ نے 2023ء اور 2024ء میں دو علیحدہ شکایات دائر کی تھیں جن میں محکمۂ انصاف پر اُن کے حقوق کی خلاف ورزی کا الزام لگایا گیا تھا۔ یہ ادائیگیاں عام طور پر ٹیکس دہندگان کے پیسے سے کی جاتی ہیں۔
اس معاملے پر امریکی محکمہ انصاف نے اپنے مؤقف میں کہا کہ وہ اپنے پیشہ ور اخلاقی ماہرین کی رہنمائی میں فیصلہ کرے گا تاہم تین ماہ قبل ادارے کے سربراہ اخلاقیات کو برطرف کر دیا گیا تھا۔
امریکی اخبار کی رپورٹ کے مطابق یہ معاملہ امریکی تاریخ میں اپنی نوعیت کا پہلا واقعہ ہے اور صدر کے ممکنہ مفادات کے ٹکراؤ کی واضح مثال ہے کیونکہ اس ادائیگی کی منظوری اُن کے قریبی ساتھی یا سابق وکلا دے سکتے ہیں۔ |
|
Post time 2025-10-22 16:45:30