10 سالہ پی ایس ایل فرنچائز معاہدہ ختم ہونے پر نئے معاہدوں کی تیاریوں کا کام شروع ہو گیا ہے، پی ایس ایل میں دو نئی ٹیمیں شامل کی جائیں گی۔
لاہور میں سی ای او پی ایس ایل سلمان نصیر کی زیر صدارت اجلاس ہوا، جس میں چارٹرڈ فرم نے پی ایس ایل کی ویلیوایشن رپورٹ پیش کی۔
پی ایس ایل میں 2 نئی ٹیموں کی شمولیت کیلئے اوپن بڈنگ کا آپریشن زیر غور
پاکستان سپر لیگ （پی ایس ایل） میں 2 نئی ٹیموں کی شمولیت کےلیے اوپن بڈنگ کا آپشن زیر غور آگیا۔
چارٹرڈ فرم کی نمائندگی محسن اقبال اور ان کی ٹیم نے کی پی سی بی کے مطابق ویلیو ایشن رپورٹ کی بنیاد پر 10 سالہ نیا فرنچائز معاہدہ تیار ہو گا۔
نیا فرنچائز معاہدہ ٹیموں کی نظر ثانی شدہ مارکیٹ ویلیو پر ہو گا، چارٹرڈ فرم فرنچائزز کی نئی مارکیٹ ویلیو لگائے گی، اگلے چند روز میں کام مکمل کر لیا جائے گا، موجودہ ٹیموں میں سے صرف اہل ٹیمیں ہی نئی بولی کا حصہ بن پائیں گی۔
ذرائع کا کہنا ہےکہ پی ایس ایل کی ویلیو ایشن کے دوران نئی تجاویز سامنے آئی ہیں، فنانشل ماڈل کے تحت رقم کا تبادلہ ڈالر کے بجائے پاکستانی روپے میں کرنے پر غور کیا جا رہا ہے۔
نئی فرنچائز کے مالکانہ حقوق بھی پاکستانی روپے میں دیے جائیں گے، آئندہ ایک ہفتے میں کنٹریکٹ رینیول ڈرافٹ بنا کر فرنچائزز کو بھیجیے جائیں گے، رینیول کنٹریکٹ تسلیم نہ کرنے والی فرنچائزز اوپن بڈ میں جائے گی۔
پی ایس ایل میں شامل 6 فرنچائز کے کنٹریکٹ دسمبر میں ختم ہو رہے ہیں، اور اب ٹیموں کی تعداد 6 سے بڑھا کر 8 کی جا رہی ہے۔
2015 میں کراچی 2 اعشاریہ 6 ملین ڈالر، لاہور 2 اعشاریہ 5 ملین ڈالر، پشاور 1 اعشاریہ 6 ملین ڈالر، اسلام آباد 1 اعشاریہ 5 ملین ڈالر اور کوئٹہ 1 اعشاریہ 1 ملین ڈالر میں خریدی گئی جبکہ 2017ء میں ملتان سلطانز 6 اعشاریہ 35 ملین ڈالر سالانہ فیس پر خریدی گئی تھی۔
Post time 2025-10-29 15:03:14
