|
|
 — فائل فوٹو
سڈنی سکسرز نے بگ بیش لیگ کے نئے سیزن کے آغاز سے پہلے پاکستان کے اسٹار بیٹر بابر اعظم کے استقبال کے لیے الگ فین زون بنانے کا اعلان کر دیا۔
سڈنی سکسرز کے آفیشل فیس بک پیچ پر ایک پوسٹ میں بابر اعظم کا بگ بیش لیگ میں انوکھے انداز میں استقبال کرنے کا اعلان کیا گیا ہے۔
پوسٹ میں لکھا ہے’پیش ہے ایک اسپیشل فین زون بابرستان‘۔
پوسٹ میں مزید لکھا ہے ’ہم بابرستان کے ساتھ کرکٹ کلچر کو ایک منفرد انداز میں پیش کر رہے ہیں، یہ ایک بالکل نیا سکسرز فین زون جو دنیا کے عظیم ترین کرکٹرز میں سے ایک بابر اعظم کے استقبال کے لیے بنایا گیا ہے۔
سڈنی سکسرز نے 17 دسمبر کو اس جشن میں شائقین کو شامل ہونے کی دعوت دی ہے۔
واضح رہے کہ بابراعظم 17 دسمبر کو ایڈیلیڈ اسٹرائیکرز کے خلاف سڈنی سکسرز کی جانب سے بگ بیش لیگ میں ڈیبیو دیں گے۔
بگ بیش لیگ کے 15ویں ایڈیشن میں 14 دسمبر 2025ء سے 25 جنوری 2026ء تک 44 میچ کھیلے جائیں گے۔ افتتاحی میچ میں پرتھ سکارچرز کا مقابلہ پرتھ سٹیڈیم میں سڈنی سکسرز سے ہو گا۔ |
|
Post time 2025-10-29 15:47:55