غیرملکی میڈیا کے مطابق دنیا کی مشہور پاپ گلوکارہ کیٹی پیری اور کینیڈا کے سابق وزیراعظم جسٹن ٹروڈو نے بالآخر اپنے رومانوی تعلقات کی تصدیق کردی ہے۔
دونوں کو پیرس میں ایک تقریب کے دوران نہایت خوشگوار موڈ میں ایک ساتھ دیکھا گیا، جہاں سے ان کی ویڈیو اور تصاویر تیزی سے سوشل میڈیا پر وائرل ہو گئیں۔
رپورٹس کے مطابق 53 سالہ جسٹن ٹروڈو اور 45 سالہ کیٹی پیری گلوکارہ کی سالگرہ منانے کےلیے پیرس کے معروف کریزی ہارس شو میں شریک ہوئے۔ ویڈیوز میں دیکھا جا سکتا ہے کہ کیٹی پیری نے سرخ رنگ کا لباس زیب تن کر رکھا تھا، جبکہ ٹروڈو کالے رنگ کے سوٹ میں دکھائی دیے، دونوں ہاتھوں میں ہاتھ ڈالے تقریب سے باہر نکلے تو موجود فوٹوگرافرز نے ان کا پرجوش استقبال کیا، مبارک باد دی اور تصاویر بنائیں۔
ایک موقع پر کیٹی پیری کی ایک مداح نے انہیں گلاب پیش کیا اور سالگرہ کی منفرد انداز میں مبارک باد دی۔
اس سے قبل بھی دونوں کے قریبی تعلقات کی خبریں میڈیا کی زینت بنتی رہی تھیں، تاہم کسی نے بھی ان افواہوں کی تصدیق نہیں کی تھی، اب پہلی بار دونوں نے عوامی طور پر اپنی جوڑی کا اعتراف کیا ہے۔
کیٹی پیری اور جسٹن ٹروڈو کے تعلقات کی تصدیق؟
دونوں کو کیلی فورنیا کے ساحل سانتا باربرا کے قریب ایک یاٹ پر ایک دوسرے کے ساتھ قریبی لمحات گزارتے دیکھا گیا
یاد رہے کہ کیٹی پیری کی ذاتی زندگی ہمیشہ میڈیا کی توجہ کا مرکز رہی ہے۔ جسٹن ٹروڈو سے قبل وہ اداکار اورلینڈو بلوم کے ساتھ تعلقات میں رہ چکی ہیں۔
واضح رہے کہ جسٹن ٹروڈو گزشتہ سال اپنی اہلیہ سے علیحدگی کے بعد خبروں میں رہے اور اس کے کچھ عرصے بعد انہوں نے وزارتِ عظمیٰ کے عہدے سے بھی استعفیٰ دے دیا تھا۔
Post time 2025-10-29 15:47:58
تصاویر:بین الاقوامی میڈیا 
