اسرائیلی پارلیمنٹ کی مقبوضہ مغربی کنارے کے الحاق سے متعلق ووٹنگ احمقانہ سیاسی حربہ قرار

slotcosino

  فائل فوٹو بشکریہ غیرملکی میڈیا

امریکی نائب صدر جے ڈی وینس نے اسرائیلی پارلیمنٹ کی جانب سے مقبوضہ مغربی کنارے کے الحاق سے متعلق ووٹنگ کو احمقانہ سیاسی حربہ قرار دے دیا۔

اسرائیل کے دورے کے اختتام پر تل ابیب ایئرپورٹ پر صحافیوں سے گفتگو کرتے ہوئے امریکی نائب صدر جے ڈی وینس نے کہا کہ یہ ایک بےمعنی علامتی ووٹ تھا جس کا کوئی عملی اثر نہیں۔

انہوں نے کہا کہ اگر یہ سیاسی حربہ تھا تو یہ بہت ہی بےوقوفانہ تھا اور وہ ذاتی طور پر اسے توہین سمجھتے ہیں۔   
امریکی دباؤ پر اسرائیل نے مقبوضہ مغربی کنارے کو ضم کرنے کی قرارداد پر عمل درآمد روک دیا

اسرائیلی وزیرِاعظم نے امریکی دباؤ پر مغربی کنارے کو ضم کرنے کی قرارداد پر عمل درآمد رکوا دیا۔   

جی ڈی وینس کا کہنا تھا کہ ٹرمپ انتظامیہ کی پالیسی یہ ہے کہ مغربی کنارہ اسرائیل میں ضم نہیں کیا جائے گا اور یہ مؤقف برقرار رہے گا۔

امریکی نائب صدر کا مزید کہنا تھا کہ اگر لوگ علامتی ووٹ دینا چاہتے ہیں تو دے سکتے ہیں لیکن ہم اس سے بالکل خوش نہیں ہیں۔

بتاتے چلیں کے اس سے قبل اسرائیلی پارلیمنٹ نے فلسطینی علاقے مغربی کنارے کو اسرائیل میں ضم کرنے کا بل منظور کیا تھا۔

اسرائیلی پارلیمنٹ کی منظوری پر امریکی صدر ڈونلڈ ٹرمپ نے اسرائیلی حکومت پر واضح کرتے ہوئے بیان دیا تھا کہ وہ عرب ممالک کو زبان دے چکے ہیں، اگر اسرائیل نے ایسا کیا تو اس کو ملنے والی تمام تر مدد روک دی جائے گی۔