|
|
— فائل فوٹو
پاکستان کی نامور پنجابی پلے بیک گلوکارہ نصیبو لال نے ’بیٹے کی پیدائش‘ سے متعلق سوشل میڈیا پر زیر گردش خبروں پر لب کشائی کردی۔
سماجی رابطے کی ویب سائٹ فیس بُک پر پوسٹ و اسٹوریز شیئر کرتے ہوئے گلوکارہ نے ’بیٹے کی پیدائش‘ سے متعلق زیر گردش خبروں کو مسترد کر دیا۔
ان کا کہنا تھا کہ ’الحمدللّٰہ میں دادی بن گئی ہوں، آپ سب کی دعاؤں کا بہت شکریہ۔‘ 
انہوں نے اپنے پوتے کی تصویر شیئر کرتے ہوئے مداحوں سے کہا، ’بیٹے کے لیے کوئی خوبصورت اور منفرد نام تجویز کریں‘۔
گلوکارہ نے مداحوں کو جعلی خبروں سے دور رہنے کا مشورہ بھی دے دیا۔
واضح رہے کہ اس سے قبل مختلف سوشل میڈیا پیجز کی جانب سے دعویٰ کیا جا رہا تھا کہ گلوکارہ کے یہاں 55 برس کی عمر میں بیٹے کی پیدائش ہوئی ہے۔ |
|
Post time 2025-10-29 21:00:10