پاکستان میوزک انڈسٹری کے معروف گلوکار عاصم اظہر نے انسٹاگرام سے مختصر رخصتی کے بعد ’عاصم علی‘ کے ساتھ دھماکے دار واپسی کردی اور آتے ہی مداحوں کو خوشخبری بھی سنا دی۔
انسٹاگرام پر واپس آتے ہی انہوں نے اپنا پہلا انڈیپنڈنٹ میوزک البم، اپنی 29ویں سالگرہ کے موقع پر ریلیز کرنے کا اعلان کردیا۔
فوٹوز اینڈ ویڈیوز شیئرنگ پلیٹ فارم انسٹاگرام پر انہوں نے انسٹااسٹوری شیئر کی اور لکھا، ’اسلام و علیکم – عاصم علی‘۔
اس کے ساتھ ہی انہوں نے ایک ویڈیو بھی شیئر کی جس میں اپنی نئی البم کے گانے متعارف کروائے اور کیپشن میں لکھا کہ میں آپ کو کسی خاص سے ملوانا چاہتا ہوں۔ اب تک آپ نے عاصم اظہر کو جانا تھا، اب عاصم علی سے ملنے کی باری ہے۔
انہوں نے لکھا کہ میرا سچا اور حقیقت پسند پہلو، بلآخر جلد ہی آپ کے سامنے ہوگا، میرا پہلا انڈیپنڈنٹ البم ’عاصم علی‘ 24 نومبر 2025 کو ریلیز کیا جائے گا۔ آپ سب کی دعاؤں اور پیار کا بہت شکریہ۔
عاصم اظہر نے انسٹاگرام کو ’خدا حافظ‘ کہہ دیا
ان کی اسٹوری خدا حافظ مداحوں کی توجہ کا مرکز بنی ہوئی ہے
قابل غور بات یہ ہے کہ ویڈیو میں عاصم اظہر کی والدہ کو بھی عاصم علی کے بارے میں بات کرتے ہوئے دیکھا جاسکتا ہے، ویڈیو میں گلوکار کی بچپن سے جوانی تک کی کئی جھلکیاں دکھائی گئی ہیں۔
تاہم صارفین کی توجہ اس البم کے پانچویں گانے ’لاسٹ اینڈ فاؤنڈ‘ نے حاصل کرلی، جس میں ہانیہ عامر کو دکھایا گیا ہے۔
صارفین قیاس آرائیاں کر رہے ہیں کہ گلوکار کے گانے ’لاسٹ اینڈ فاؤنڈ‘ کی ویڈیو میں ممکنہ طور پر ہانیہ عامر ہوں یا اس ٹریک میں ان کی یادوں کی جھلک موجود ہو۔
Post time 2025-10-30 20:24:13
— فائل فوٹو 
