|
|
 ---فائل فوٹو
ترک صدر رجب طیب اردوان کا کہنا ہے کہ حماس غزہ جنگ بندی پر عمل کرنے کے لیے پُرعزم ہے۔
استنبول میں سالانہ COMCEC اقتصادی تعاون سربراہی اجلاس کے موقع پر او آئی سی رکن ممالک کے مندوبین سے خطاب میں رجب طیب اردوان نے کہا کہ مسلم ممالک کو فلسطین کی تعمیرِ نو میں قائدانہ کردار ادا کرنا چاہیے۔
انہوں نے مزید کہا کہ ہمیں غزہ کے عوام تک مزید انسانی امداد پہنچانے کی ضرورت ہے مگر اسرائیلی حکومت اسے روکنے کی ہر ممکن کوشش کر رہی ہے۔
ترک صدر نے زور دیا کہ عرب لیگ اور او آئی سی کے تیار کردہ تعمیرِ نو کے منصوبے پر فوری عملدرآمد ضروری ہے۔
واضح رہے کہ غزہ کی تعمیرِ نو کے منصوبے پر مشاورت کے لیے ترکیے آج سعودی عرب، قطر، متحدہ عرب امارات، اردن، پاکستان اور انڈونیشیا کے وزرائے خارجہ کی میزبانی کر رہا ہے۔
مذاکرات استنبول کے ایک ہوٹل میں پاکستانی وقت کے مطابق شام 4 بجے شروع ہوں گے، چند گھنٹے بعد مشترکہ پریس کانفرنس بھی متوقع ہے۔ |
|
Post time 2025-11-3 23:45:16