سابق اسپیکر قومی اسمبلی اور پی ٹی آئی کے سینئر رہنما اسد قیصر نے کہا ہے کہ 27ویں آئینی ترمیم کا پنڈورا باکس کھولا گیا ہے۔
آئینی ترمیم کے خلاف اپوزیشن اتحاد کی بیٹھک کے بعد اسد قیصر، مصطفیٰ نواز کھوکھراور محمد زبیر نے مشترکہ پریس کانفرنس کی۔
بلاول بھٹو کی ٹوئٹ سے سامنے آنے والی باتیں انتہائی خوفناک ہیں، سلمان اکرم راجا
پاکستان تحریک انصاف （پی ٹی آئی） کے مرکزی رہنما سلمان اکرم راجا نے کہا ہے کہ بلاول بھٹو کی ٹوئٹ سے سامنے آنے والی باتیں انتہائی خوفناک ہیں۔
اسد قیصر کا کہنا تھا کہ بلاول بھٹو زرداری کا جو بیان آیا ہے، وہ تشویشناک ہے، پیپلز پارٹی بھی 27ویں ترمیم کے اس ٹوپی ڈرامے میں شریک ہے۔
انہوں نے کہا کہ پیپلز پارٹی جمہوریت کو دفن کرنے کے لیے جان لگا رہی ہے، پی پی پی ذوالفقار بھٹو والی تھی، جس نے آئین کی بنیاد رکھی، بینظیر بھٹو والی تھی، جس نے جمہوریت کےلیے جان دی تھی۔
پیپلز پارٹی کے بغیر کوئی بھی ترمیم نہیں ہوسکتی، طلال چوہدری
وزیر مملکت برائے داخلہ سینیٹر طلال چوہدری نے کہا ہے کہ پیپلز پارٹی کے بغیر کوئی بھی ترمیم نہیں ہوسکتی ہے۔
سابق اسپیکر نے مزید کہا کہ نواز شریف کا اب ووٹ کو عزت دو کا نعرہ کہاں گیا؟ اس اقتدار کا کیا کرنا ہے جو پاؤں پڑنے کی بنیاد پر دیا جائے۔
اُن کا کہنا تھا کہ ہم نے بانی پی ٹی آئی کو بھی اپنے سفارشات بھیجی ہیں، اگر ملاقات ہو جاتی ہے تو پریس ریلیز جاری کر دیں۔
اسد قیصر نے یہ بھی کہا کہ جمہوریت اور آئین کی بالا دستی کےلیے عوام کے پاس بھی جائیں گے، پارلیمنٹ میں بھی بھرپور احتجاج ریکارڈ کروائیں گے۔
Post time 2025-11-5 04:27:08
