غزہ میں اسرائیلی فوج کی جانب سے جنگ بندی کی خلاف ورزیاں اور حملے جاری ہیں۔
اس حوالے سے غزہ کے محکمہ صحت کے مطابق گزشتہ 24 گھنٹوں میں مزید تین فلسطینیوں کی لاشیں اور دو زخمیوں کو اسپتالوں میں لایا گیا۔
ان تین شہدا کو شامل کرکے غزہ میں شہید ہونے والوں کی مجموعی تعداد 68 ہزار 875 ہوگئی ہے۔
جنگ بندی کے باوجود امداد میں رکاوٹیں: غزہ میں معصوم شہری سردی اور بھوک سے پریشان
اقوامِ متحدہ نے خبردار کیا ہے کہ غزہ کی پٹی میں بھوک اور شدید انسانی بحران سے نبردآزما لاکھوں فلسطینیوں تک امداد پہنچانے کے لیے وقت تیزی سے ختم ہو رہا ہے جبکہ اسرائیلی پابندیاں امدادی سامان کی ترسیل میں بڑی رکاوٹ بنی ہوئی ہیں۔
ادھر اسرائیل نے مزید پندرہ فلسطینی قیدیوں کی میتیں فلسطینی حکام کے حوالے کر دیں، اس طرح اب تک واپس کی گئی فلسطینی قیدیوں کی میتیوں کی تعداد 85 ہوگئی ہے۔
یاد رہے کہ گزشتہ روز حماس نے امریکی نژاد اسرائیلی فوجی یرغمالی کی لاش اسرائیل کے حوالے کی تھی۔
Post time 2025-11-5 23:57:14
فوٹو: اے ایف پی 
