میکسیکو کی خاتون صدر سے نازیبا حرکت کی کوشش، مقامی اخبار نے تصاویر شائع کردیں

slotcosino

  

میکسیکو کی پہلی خاتون صدر کلاڈیا شین بام کو عوامی مقام پر ہراساں کرنے کا واقعہ خواتین کے خلاف تشدد کے مسئلے کو اجاگر کر گیا۔

ویڈیو وائرل ہونے کے بعد میکسیکو کی صدر کلاڈیا شین بام نے کہا ہے کہ اگر یہ صدر کے ساتھ ہوسکتا ہے تو عام خواتین کہاں محفوظ ہیں؟ کوئی مرد کسی عورت کی ذاتی حدود پامال کرنے کا حق نہیں رکھتا۔   
میکسیکو کی صدر کے ساتھ نازیبا حرکت کی کوشش، ویڈیو سامنے آگئی

رپورٹ کے مطابق صدارتی سیکیورٹی ٹیم کے ایک اہلکار نے فوری طور پر مداخلت کرتے ہوئے اُس شخص کو پیچھے ہٹا دیا۔    

صدر نے مقامی اخبار کو واقعے کی تصاویر شائع کرنے پر تنقید کا نشانہ بناتے ہوئے کہا کہ یہ قدم خواتین کو دوبارہ نشانہ بنانے کے مترادف اور اخلاقی حدود کی سنگین خلاف ورزی ہے۔

انہوں نے اخبار سے تحریری معافی کا مطالبہ کرتے ہوئے کہا کہ ایسی تصاویر شائع کرنا ڈیجیٹل تشدد کے قانون کی خلاف ورزی ہے۔

صدر شین بام  نے کہا کہ حکومت ہراسانی کو قابلِ سزا جرم قرار دینے کے لیے قانونی اصلاحات کرے گی۔

انہوں نے واقعے پر مقدمہ درج کرایا جبکہ پولیس نے ملزم کو گرفتار کرلیا ہے۔