|
|
کولاج بشکریہ بین الاقوامی میڈیا
بھارتی ریاست راجستھان میں بھارتی فوج کے ایک سپاہی کو ٹرین میں محض کمبل اور چادر کے مطالبے پر قتل کردیا گیا۔
بھارتی میڈیا کے مطابق انسانی حقوق کمیشن （این ایچ آر سی） کی جانب سے راجستھان میں فوجی اہلکار کے قتل پر نوٹس لیتے ہوئے غیر جانبدارانہ تحقیقات اور متاثرہ خاندان کو انصاف و معاوضہ دینے کا مطالبہ کیا گیا ہے۔
واقعہ کیسے پیش آیا؟
بھارتی میڈیا کے مطابق ریلوے کے حکام کا کہنا ہے کہ واقعہ 2 نومبر کی رات پیش آیا جب فوجی اہلکار جگر چوہدری چُھٹی پر اپنے گھر جارہا تھا، اُنہوں نے سفر کے دوران بی 4 اے سی کوچ کے اٹینڈنٹ سے کمبل اور چادر مانگی۔
اٹینڈنٹ نے مبینہ طور پر ضابطوں کا حوالہ دیتے ہوئے سامان دینے سے انکار کردیا جس پر دونوں کے درمیان تکرار شروع ہوگئی۔
معاملہ بگڑتے بگڑتے ہاتھا پائی میں تبدیل ہوگیا اور اسی دوران کوچ اٹینڈنٹ نے جگر چوہدری کی ٹانگ پر چاقو سے حملہ کردیا، زخم گہرا ہونے کے باعث خون زیادہ بہہ گیا اور سپاہی کی موقع پر ہی موت ہوگئی۔
تحقیقات اور گرفتاری
بھارتی میڈیا کا کہنا ہے کہ ٹرین کے اسٹیشن پہنچنے پر ریلوے پولیس نے ٹی ٹی ای کی شکایت پر ایف آئی آر درج کر کے ملزم کو گرفتار کرلیا۔
ریلوے کے حکام کا کہنا ہے کہ اٹینڈنٹ ملزم کو ٹھیکیدار کے ذریعے تعینات کیا گیا تھا جسے واقعے کے بعد ملازمت سے برطرف کردیا گیا ہے۔ |
|
Post time 2025-11-7 19:29:59