|
|
 اسکرین گریب
ہانگ کانگ سکسز میں پاکستان کے خلاف بھارت ڈک ورتھ لوئس میتھڈ کے تحت 2 رنز سے جیت گیا۔
ہانگ کانگ سکسز ٹورنامنٹ میں آج پاکستان اور بھارت کے درمیان ٹاکرا تھا جو بارش کی نذر ہو گیا۔
محمد عباس کی قیادت میں پاکستانی ٹیم نے ٹاس جیت کر فیلڈنگ کا فیصلہ کیا اور بھارتی ٹیم کو بیٹنگ کی دعوت دی۔
بھارت نے پہلے بیٹنگ کرتے ہوئے مقررہ 6 اوورز میں 4 وکٹوں کے نقصان پر 86 رنز کا ہدف دیا۔
پاکستان کے محمد شہزاد نے اپنے 2 اوورز میں 2 کھلاڑیوں کو پویلین کی راہ دکھائی۔
پاکستان کو جیت کے لیے 6 اوورز میں 87 رنز درکار تھے۔ قومی ٹیم نے 3 اوورز میں ایک وکٹ کے نقصان پر 41 رنز بنائے تو بارش شروع ہو گئی۔
بارش کے باعث میچ روک دیا گیا تاہم بارش نہ رکنے کے سبب ڈک ورتھ لوئس میتھڈ کے تحت بھارت 2 رنز سے جیت گیا۔ |
|
Post time 2025-11-7 20:09:31