پاکستان کرکٹ ٹیم کے اسٹار بیٹر بابر اعظم نے انٹرنیشنل کرکٹ میں ایک اور سنگ میل عبور کرلیا ہے۔
جنوبی افریقاکے خلاف تیسرے ایک روزہ میچ میں بابر اعظم نے انٹرنیشنل کرکٹ میں اپنے 15 ہزار رنز مکمل کرلیے ہیں۔
بابر اعظم نے 2 دن میں 2 بھارتی بیٹرز کو پیچھے چھوڑ دیا
پاکستان کرکٹ ٹیم کے اسٹار بیٹر بابر اعظم نے دھماکے دار واپسی کی اور لگا تار دو دن میں بھارت کے دو بڑے کھلاڑیوں کو پیچھے چھوڑ دیا ہے۔
اسٹار بیٹر مجموعی طور پر 370 انٹرنیشنل اننگز میں 15 ہزار رنز مکمل کیے ہیں، یوں وہ یہ سنگ میل عبور کرنے والے 5ویں پاکستانی بیٹر بن گئے ہیں۔
بابر اعظم نے ٹیسٹ میں 4 ہزار 366، ٹی20 انٹرنیشنلز میں 4 ہزار 302 اور ایک روزہ کرکٹ میں 6 ہزار 330 سے زائد رنز بنالیے ہیں۔
پاکستانی اسٹار بیٹر نے انٹرنیشنل کرکٹ کیرئیر میں 31 سنچریاں اور 104 نصف سنچریاں اسکور کر رکھی ہیں۔
پاکستان کی طرف سے انضمام الحق نے 20 ہزار 541، یونس خان نے 17 ہزار 790، محمد یوسف نے 17 ہزار 134 اور جاوید میانداد نے 16 ہزار 213 رنز بنائے ہیں۔
Post time 2025-11-9 00:45:23
فائل فوٹو 
