پاکستان کے معروف اداکار احسن خان نے اپنی زندگی اور خاندان سے متعلق کھل کر بات کی ہے۔
اداکار نے ایک شو میں گفتگو کرتے ہوئے بتایا کہ میرے خاندان نے ہمیشہ کے لیے لاہور چھوڑ کر کراچی میں رہائش اختیار کی، جو میری بیوی کے لیے ایک بڑا قدم تھا۔
احسن خان نے کہا کہ میری بیوی کے کراچی میں نہ دوست تھے، نہ کزنز اور نہ کوئی سماجی حلقہ۔ انہوں نے لاہور میں اپنے تمام دوست چھوڑ دیے اور خود بھی کراچی میں زیادہ سماجی سرگرمیوں میں حصہ نہیں لیا۔
بچوں کو 15 سال سے پہلے ذاتی گیجٹ کی اجازت نہیں: احسن خان
اداکار نے یہ بھی واضح کیا کہ ان کے بچوں کو صرف محدود وقت کے لیے یوٹیوب دیکھنے کی اجازت ہے، لیکن وہ بھی کسی ذاتی ڈیوائس پر نہیں۔
انہوں نے بتایا کہ میں نے اپنی سماجی زندگی محدود کردی تاکہ اپنی بیوی کی حمایت کرسکوں اور بچوں کی پرورش میں زیادہ وقت دے سکوں، اس کے علاوہ جب میں کراچی منتقل ہوا تو میری بیوی کی صحت ٹھیک نہیں تھی، جس کی وجہ سے انہوں نے گھر پر وقت گزارنا ترجیح دی۔
احسن خان نے بچوں کی تربیت سے متعلق بھی قیمتی مشورے دیے، انہوں نے کہا کہ اپنے والد سے سیکھا کہ کبھی بھی بچے کو دوسروں کے سامنے نہ ڈانٹیں یا سزا نہ دیں، بچوں کو صرف تنہا رہ کر سمجھانا چاہیے تاکہ ان کی ذہنی صحت متاثر نہ ہو، یہ اصول وہ اپنے تمام بچوں کی پرورش میں ہمیشہ اپناتے رہے ہیں۔
Post time 2025-11-9 18:18:17
