|
|
فلسطین کے ساتھ اظہارِ یکجہتی کے لیے آسٹریا کے دارالحکومت ویانا میں سب سے بڑی پُرامن ریلی نکالی گئی، جس میں بیس ہزار سے زائد افراد نے شرکت کی۔
فلسطین میں جنگ بندی کے بعد آسٹریا کے دارالحکومت ویانا میں فلسطینی عوام سے اظہارِ یکجہتی کے لیے ایک بڑی پُرامن ریلی نکالی گئی۔
ریلی میں فلسطینیوں کے ساتھ ساتھ ترکی، آسٹریا، پاکستان اور دیگر اسلامی ممالک کے شہریوں کے علاوہ انسانی حقوق کی تنظیموں کے نمائندوں نے بھی بھرپور شرکت کی۔
ریلی ویانا کے وسطی علاقے ’کار پلاتس‘ سے شروع ہوئی اور تقریباً تین کلومیٹر کا فاصلہ طے کرتے ہوئے آسٹریائی پارلیمنٹ کے سامنے سے گزرتی ہوئی صدر کے دفتر کے باہر اختتام پذیر ہوئی۔
مظاہرے میں بچوں، خواتین، نوجوانوں اور بزرگوں سمیت لگ بھگ بیس ہزار افراد شریک ہوئے۔ مظاہرین نے اسرائیلی جارحیت کے خلاف بینرز اٹھا رکھے تھے اور ’غزہ خالی کرو‘ کے نعرے لگائے جا رہے تھے۔
شرکاء کے چہروں پر جنگ بندی کی خوشی نمایاں تھی جبکہ پولیس کی جانب سے سخت حفاظتی انتظامات کیے گئے۔
ویانا میں ہونے والایہ مظاہرہ فلسطین کے ساتھ یکجہتی کے حوالے سے اب تک ہونے والا سب سے بڑا اجتماع قرار دیا جا رہا ہے۔ |
|
Post time 2025-10-13 08:42:00