|
|
 فوٹو بشکریہ رپورٹر
آسٹریلوی ٹیسٹ ٹیم کے کپتان پیٹ کمنز کے خریدے جانے والے قدیم گھر کی قیمت نے سب کو حیران کر دیا۔
میڈیا رپورٹ کے مطابق پیٹ کمنز نے 137 سال پرانا ایک بڑا گھر 16 ملین آسٹریلوی ڈالرز میں خرید لیا۔ گھر کو ایک ورثہ قرار دیا جا رہا ہے، گھر سڈنی کے ایک مہنگے مضافاتی علاقے میں واقع ہے۔
پیٹ کمنز اور ان کی انٹیریئر ڈیزائنر اہلیہ بیکی بوسٹن نے خاموشی سے برونٹے میں گھر خریدا۔ یہ گھر 1888 میں تعمیر ہوا اور یہ ایک خصوصی ساحلی پٹی کے قریب ہے۔
میڈیا رپورٹ میں کہا گیا کہ اس گھر کی ایک تاریخ ہے، 730 اسکوائر میٹر پر تعمیر شدہ دو منزلہ گھر میں 5 بیڈ رومز اور 4 باتھ رومز ہیں۔ یہ پُرتعیش قدیم گھر ماضی میں بھی اہم امیر شخصیات کی ملکیت رہا ہے۔
پیٹ کمنز اس سے قبل 2021 میں 9.3 ملین ڈالر کا گھر خرید چکے ہیں۔ وہ 3.7 ملین ڈالرز کا ایک اپارٹمنٹ فروخت کر چکے ہیں۔ 16 ملین ڈالرز کے گھر کی خرید اس بات کا ثبوت ہے کہ پیٹ کمنز دولت کے اعتبار سے آسٹریلیا کے سرفہرست ایتھلیٹس کی صف میں ہیں۔
ایک رپورٹ کے مطابق پیٹ کمنز کرکٹ کنٹریکٹس اور اسپانسر شپ سے سالانہ 10 ملین ڈالرز کماتے ہیں۔ |
|
Post time 2025-11-11 17:44:57