غزہ کے جنوبی شہر خان یونس میں اسرائیلی ڈرون حملے میں ایک بچے سمیت دو فلسطینی شہید ہو گئے۔
عرب میڈیا کے مطابق گزشتہ ماہ نافذ ہونے والی جنگ بندی کے باوجود اسرائیلی فوج کی غزہ میں کارروائیاں مسلسل جاری ہیں۔
فلسطینی تنظیم حماس نے اپنے بیان میں کہا کہ اسرائیل جنگ بندی کے بعد سے غزہ میں روزانہ کی بنیاد پر حملے جاری رکھے ہوئے ہے جن میں 10 اکتوبر سے لے کر اب تک 271 فلسطینی شہری شہید اور 600 سے زائد زخمی ہوئے ہیں۔
متحدہ عرب امارات غزہ اسٹیبلائزیشن فورس میں شامل ہونے کا ارادہ نہیں رکھتا: سینئر اماراتی اہلکار
متحدہ عرب امارات نے عندیہ دیا ہے کہ وہ غزہ کے لیے مجوزہ بین الاقوامی استحکام فورس کا حصہ نہیں بنے گا۔
حماس کا کہنا تھا کہ اسرائیلی فوج کے حملوں کا نشانہ بننے والے علاقوں میں زیادہ تر رہائشی عمارتیں اور عام شہری متاثر ہو رہے ہیں، اسرائیل دو منزلہ عمارتوں کو ڈھونڈ ڈھونڈ کر نشانہ بنا رہا ہے۔
دوسری جانب اسرائیل نے غزہ کے لیے امدادی سامان کی فراہمی پر بھی سخت پابندیاں برقرار رکھی ہوئی ہیں جو جنگ بندی کی شرائط کی خلاف ورزی ہے۔
واضح رہے کہ معاہدے کے مطابق روزانہ 600 امدادی ٹرکوں کو غزہ میں داخل ہونے کی اجازت دی جانی تھی جن میں ایندھن کے 50 ٹرک بھی شامل تھے لیکن اتوار کے روز صرف 270 ٹرک ہی غزہ میں داخل ہو سکے۔
Post time 2025-11-11 18:24:18
فوٹو بشکریہ بین الاقوامی میڈیا 
