بانی پی ٹی آئی کیخلاف ہرجانے کا کیس: عطا تارڑ کے بیان پر جرح مکمل کر لی گئی

slotcosino

  ---فائل فوٹو  

سیشن کورٹ لاہور میں بانیٔ پی ٹی آئی عمران خان پر شہباز شریف کے ہرجانے کے دعوے پر وفاقی وزیرِ اطلاعات عطا تارڑ کی جانب سے دیے گئے بیان پر جرح مکمل کر لی گئی۔

وفاقی وزیر عطا تارڑ نے بطور گواہ عدالت میں پیش ہو کر ریکارڈ کروائے گئے بیان پر جرح کی۔

پاکستان تحریکِ انصاف کے وکیل نے کہا کہ جو دستاویزات آپ نے بطور گواہ پیش کیں وہ آپ کے خلاف ہیں نہ آپ کے حق میں، دستاویزات آپ نے لکھی ہیں نہ آپ کے ان پر دستخط ہیں۔

اس پر عطار تارڑ نے کہا کہ یہ تمام دستاویزات پبلک ڈاکومنٹ ہیں اور ہتکِ عزت کو ثابت کرتی ہیں۔

اس پر پی ٹی آئی کے وکیل نے کہا کہ پروگرام کی جو یو ایس بیز آپ نے فراہم کیں وہ کہاں سے لی ہیں۔

عطا تارڑ نے بتایا کہ یہ پروگرام بھی پبلک ڈاکومنٹس ہیں اور لنکس یو ٹیوب پر موجود ہیں، سارا مواد ذرائع ابلاغ سے لیا گیا ہے۔

اس پر وکیل پی ٹی آئی نے کہا کہ سیاسی وابستگی کی وجہ سے آپ نے شہادت دی ہے۔

عطا تارڑ نے اپنے مؤقف میں کہا کہ نہیں میں نے سیاسی وابستگی کی وجہ سے شہادت نہیں دی، مدعی ملک کا وزیرِ اعظم ہے جس کی ساکھ متاثر ہوئی ہے۔

بعد ازاں عدالت نے مزید سماعت 29 نومبر تک ملتوی کر دی۔