کولکتہ ٹیسٹ کا فیصلہ تیسرے دن ہی ہو گیا، جنوبی افریقہ نے بھارت کو 30 رنز سے شکست دے دی۔
بھارتی ٹیم 124 رنز کے ہدف کے تعاقب میں 93 رنز پر ڈھیر ہو گئی۔
بھارتی ٹیم کی جانب سے دوسری اننگز میں اکثر پٹیل نے 26 اور رویندرا جدیجا نے 18 رنز بنائے۔
سابق بھارتی اسپنر ہربھجن سنگھ بھی کولکتہ ٹیسٹ کی پچ پر تنقید کیے بغیر نہ رہ سکے
ہربھجن سنگھ نے کہا کہ بھارت جنوبی افریقہ ٹیسٹ میچ کا نتیجہ دوسرا دن ختم ہونے سے قبل ہی سامنے آنے لگا، یہ ٹیسٹ کرکٹ کے ساتھ مذاق ہے۔
جنوبی افریقہ کی طرف سے سائمن ہارمر نے 4، کیشو مہاراج اور مارکو جیسن نے دو، دو وکٹیں حاصل کیں۔
میچ کی پہلی اننگز میں جنوبی افریقہ کی ٹیم 159رنز بناکر آؤٹ ہوئی تھی جبکہ بھارتی ٹیم پہلی اننگز میں 189رنز بنانے میں کامیاب رہی تھی۔
کولکتہ ٹیسٹ کی پچ پر سابق بھارتی آف اسپنر اور اُن کے میڈیا نے بہت تنقید کی تھی۔ پچ پر غیر ہموار باؤنس تھا، بیٹرز کے لیے کھیلنا دشوار تھا۔
Post time 2025-11-16 20:36:39
فوٹو بشکریہ کرک انفو 
