کراچی: سندھی گلوکار بیدل مسرور کے گھر میں چوری کی واردات

slotcosino

  —فائل فوٹو

کراچی میں سندھی گلوکار بیدل مسرور کے گھر میں چوری کی واردات ہوئی ہے۔

پولیس حکام کے مطابق بیدل مسرور نے اپنا پلاٹ 70 لاکھ روپے میں فروخت کیا تھا، بیدل مسرور کے مطابق رقم 2 حصوں میں تقسیم کر کے کنستر میں رکھی تھی۔

حکام نے کہا کہ 12نومبر کو 30 لاکھ کی رقم چوری ہوئی، جس کی رپورٹ درج کرائی گئی، 13 نومبر کو مزید 40 لاکھ روپے بھی چوری ہوگئے۔

پولیس حکام کا کہنا ہے کہ بیدل مسرور کے گھر میں چوری کی تمام پہلوؤں سے تفتیش جاری ہے، کرائم سین یونٹ نے شواہد حاصل کیے ہیں، جیو فینسنگ بھی کروائی ہے۔