دنیا کا سب سے بڑا طیارہ بردار جہاز یو ایس ایس جیرالڈ آرفورڈ کیریبیئن سمندر میں پہنچ گیا: امریکی بحریہ

slotcosino

  فوٹو بشکریہ بین الاقوامی میڈیا  

دنیا کا سب سے بڑا طیارہ بردار جہاز یو ایس ایس جیرالڈ آر فورڈ کیریبیئن سمندر میں پہنچ گیا۔

امریکی بحریہ کے مطابق ایئرکرافٹ کیریئر اسٹرائیک گروپ خطے میں اتحادی فورسز کے ساتھ مل کر منشیات سے جڑے دہشت گرد نیٹ ورکس کو کمزور اور ختم کرنے کی کارروائیوں میں حصہ لے گا۔

ایسے میں وینزویلا نے امریکا پر الزام عائد کیا ہے کہ نارکو ٹیرَر ازم کے نام پر امریکا خطے میں اپنی فوجی موجودگی بڑھا کر ریجیم چینج کی کوشش کر رہا ہے۔

خبر ایجنسی کے مطابق امریکا انسدادِ منشیات کے لیے وینزویلا کے پانیوں میں پہلے ہی متعدد جنگی جہاز تعینات کر چکا ہے۔   
امریکی فوج کا منشیات بردار مبینہ کشتی پر حملہ، 3 افراد ہلاک

بیان کے مطابق منشیات کی اسمگلنگ کرنے والی کشتی کو بین الاقوامی پانیوں میں نشانہ بنایا گیا۔   

دوسری جانب امریکی ڈرگ انفورسمنٹ ایڈمنسٹریشن （ڈی ای اے） کی حالیہ رپورٹ کے مطابق وینزویلا امریکا میں آنے والی منشیات کا بڑا ذریعہ نہیں ہے۔

واضح رہے کہ گزشتہ ہفتے صدر ٹرمپ نے کہا تھا کہ وینزویلا سے متعلق اُنہوں نے کچھ حد تک فیصلہ کر لیا ہے مگر تفصیلات ظاہر نہیں کیں۔